ანონსები

22 ნოემებრს, 11:00 საათზე, ბათუმის შოთა რუსთაველის სახელმწიფო უნივერსიტეტში, 534-ე აუდიტორიაში (II კორპუსი) დემოკრატიული ჩართულობის ცენტრების ორგანიზებით სტუდენტებისა და პროფესორ-მასწავლებლებისათვის შეხვედრა გაიმართება ადამიანის უფლებათა დაცვის საკითხებზე. უფლებების დაცვის სამდივნოს უფროსი ნატალია ჯალიაშვილი და ამავე სამდივნოს მრჩეველი თორნიკე დვალი ისაუბრებენ სოციალური და სამოქალაქო-პოლიტიკური უფლებების ურთიერთდამოკიდებულებასა და მათი განუყოფლობის საკითხებზე.

21 ნოემბერს, 13:00 საათზე, ბათუმის შოთა რუსთაველის სახელმწიფო უნივერსიტეტში, 515-ე აუდიტორიაში (კორპუსი II) ადამიანის უფლებების სწავლებისა და მონიტორინგის ცენტრის (EMC) ორგანიზებით გაიმართება შეხვედრა თემაზე: „მნიშვნელოვანი რეფორმები ნარკოპოლიტიკასა და მართლმსაჯულების სფეროში“. ღონისძიებაზე წარმოდგენილი იქნება მოხსენებები შემდეგ საკითხებზე: „რას შეცვლის ნარკოპოლიტიკის რეფორმა და როგორია სამოქალაქო სექტორის ხედვა რეფორმის საჭიროებასთან დაკავშირებით“ და „პოლიციის და მოქალაქის ურთიერთობისას უფლებების დაცვის რა გარანტიებს იცნობს კანონმდებლობა და რა ცვლილებებია ამ მიმართულებით“.

20 ნოემბერს, 15:00 საათზე, ბათუმის შოთა რუსთაველის სახელმწიფო უნივერსიტეტში, 21-ე აუდიტორიაში (I კორპუსი) არასამთავრობო ორგანიზაციის „ხელმისაწვდომი გარემო ყველასათვის“ ორგანიზებით, გიორგი ახმეტელი საჯარო ლექციას წაიკითხავს თემაზე: „საქართველოში შშმ პირთა უფლებრივი მდგომარეობა“.

16-18 ნოემბერს, Impact Hub Tbilisi Garage48-სთან თანამშრომლობის ფარგლებში, ბათუმში მართავს სტუდენტურ სტრატაპ ბანაკს - ინტენსიურ კურსს იდეების შემდეგ ეტაპზე გადასაყვანად და სტარტაპის დასაწყებად საჭირო ძირითადი ცოდნის შესაძენად. ბანაკს აქტიური მეწარმეები და საერთაშორისო ტრენერები უხელმძღვანელებენ და მონაწილეობის მიღება შეუძლია ყველას, ვისაც აინტერესებს მეწარმეობა, ან სწავლობს/მუშაობს კომპიუტერული პროგრამების შექმნაზე, დიზაინზე, მარკეტინგსა თუ პროექტების მართვაზე.მონაწილეებს გადაეცემათ საერთაშორისო სერტიფიკატი და საჩუქარი პარტნიორებისგან.

ჯანმრთელობის დაცვის სახელმწიფო პროგრამების დაავადებათა ადრეული გამოვლენა და სკრინინგის პროგრამის ფარგლებში 14 ნოემბერს, ბათუმის შოთა რუსთაველის სახელმწიფო უნივერსიტეტში ტარდება კიბოს სკრინინგისა და ქალთა ჯანმრთელობის ხელშეწყობის აქცია, რომელიც მოიცავს:
• ძუძუს კიბოს სკრინინგი - მამოგრაფია, მამოლოგის კონსტულტაცია 40-70 წლის ასაკის ქალბატონებისათვის
• საშვილოსნოს ყელის კიბოს სკრინინგი - გინეკოლოგის კონსულტაცია, პაპ -ტესტი, ჩვენებით - კოლპოსკოპია 25-60 წლის ასაკის ქალბატონებისათვის
• კოლორექტული კიბოს სკრინინგი (სკრინინგი განსაზღვრულია 50-70 წლის ორივე სქესის პირებისათვის)