ანონსები

2024 წლის 12 ივნისს, 13:00 საათზე, ბათუმის შოთა რუსთაველის სახელმწიფო უნივერსიტეტში, იურიდიულ და სოციალურ მეცნიერებათა ფაკულტეტზე ჩატარდება სემინარი თემაზე „ევროკავშირში გაწევრიანების პოლიტიკური კრიტერიუმები და ევროპეიზაციის გამოწვევები“.მომხსენებელი: პროფესორი, ჟან მონეს კათედრის (EUCONST) ხელმძღვანელი, ჟან მონეს მოდულის (TRIO.JOIN.EU) კოორდინატორი მალხაზ ნაკაშიძე.

12 ივნისს, 12:00 საათზე, 55-ე აუდიტორიაში, მკვლევრები და ცნობილი ამერიკელი ისტორიკოსი, ჰარვარდის უნივერსიტეტის საქართველოს შემსწავლელი პროგრამის დირექტორი, პროფესორი სტივენ ჯონსი, პროფესორ-მასწავლებლებისთვის და სტუდენტებისთვის წარადგენენ პროექტის - „წარსული, როგორც დემოკრატიული ზრდის რესურსი აწმყოში (ისტორიის პოლიტიკა საქართველოში)“ - შედეგებს.

24-31 მაისს, ტურიზმის ფაკულტეტს სამუშაო ვიზიტით ეწვევიან ბსუ-ს საპატიო დოქტორები „Solutions Holding“-ის აღმასრულებელი დირექტორი, პროფესორი შტეფან გერჰარდი და გერმანიის მასპინძლობის საერთაშორისო ინსტიტუტის ხელმძღვანელი, პროფესორი გერალდ ვეტცელი.27 და 28 მაისს სამუშაო ვიზიტის ფარგლებში დაგეგმილია „ტურიზმის მენეჯმენტის“ სამაგისტრო პროგრამის სტუდენტებისთვის „საერთაშორისო სასტუმროს მენეჯმენტის" ლექციების ჩატარება (27.05./28.05 10:00 სთ. 118 აუდიტორია) და გერმანიის საწარმოო პრაქტიკისთვის შერჩეული სტუდენტებისთვის მასტერ-კლასების ჩატარება.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტი ტურიზმისა და სასტუმრო აღჭურვილობის მე-15 საერთაშორისო გამოფენაში - „EBIT - 2024’’ მიიღებს მონაწილეობას. 10-12 მაისს ფაკულტეტის სტუდენტები და პროფესორ-მასწავლებლები დამთვალიერებლებს გააცნობენ საუნივერსიტეტო ცხოვრებას, სერვისებს, ტურიზმის საგანმანათლებლო პროგრამასა და ტურისტულ პროდუქტებს.

გილოცავთ ევროპის დღეს!
ევროპა ჩვენი ქვეყნის ისტორიული არჩევანი და წარმატებული მომავალია!

ევროპის დღის აღსანიშნავი კვირეული ბსუ-ში:

13-17 მაისი - ერაზმუს+ აკადემიური/ადმინისტრაციული პერსონალის გაცვლითი პროგრამის ფარგლებში, მეხუთე საერთაშორისო კვირეული ჩატარდება, რომელშიც მონაწილეობს 8 ევროპული უნივერსიტეტი. საერთაშორისო კვირეულის მონაწილე პროფესორები ლექციებს წაუკითხავენ ბსუ-ს სტუდენტებს. დაგეგმილია სასწავლო და ტრენინგ-აქტივობები, ასევე კულტურული ღონისძიებები;