ანონსები

20-21 ივნისს, ბათუმის შოთა რუსთაველის სახელმწიფო უნივერსიტეტში მიუნსტერის უნივერსიტეტის პროფესორი კორდულა შულცე ბსუ-სთან გაფორმებული მემორანდუმის საფუძველზე, ვორქშოპს ჩაატარებს ბსუ-ს სტუდენტებისა და კერძო/საჯარო სკოლის მოსწავლეებისათვის. ვორქშოპის მონაწილეები გაეცნობიან გერმანული თანამედროვე სალაპარაკო ენისა და გერმანული კულტურის აქტუალურ საკითხებს, აუთენტურ მასალად გამოყენებული იქნება სხვადასხვა ჟანრის გერმანულენოვანი სიმღერა. ღონისძიებაში მონაწილეობის პირობაა გერმანული ენის ფლობა B1 დონეზე.

თავისუფალი ასოციაცია და ფრიდრიხ ებერტის ფონდი აცხადებს ესეების კონკურსს. თუ ახალგაზრდა ხარ, გაინტერესებს სამხრეთ კავკასიის რეგიონში მიმდინარე მოვლენები, თვლი, რომ ახალგაზრდების როლი პოლიტიკური, საზოგადოებრივი და სოციალური საკითხების წარმართვაში მნიშვნელოვანია, ამავე დროს, საკუთარი ნააზრევის ფურცლებზე გადატანაც მოგწონს, კონკურსი შენთვის არის!

8-9 ივნისს ბათუმში და 10-11 ივნისს ქუთაისში საქართველოს ფრანგული ინსტიტუტი და გოეთეს ინსტიტუტი საქართველოში მართავს ფრანგულ-გერმანული კინოს დღეებს. ღონისძიების ფარგლებში ბათუმის შოთა რუსთველის სახელმწიფო უნივერსიტეტსა და ქუთაისის აკაკი წერეთლის სახელმწიფო უნივერსიტეტში ფრანგული და გერმანული ფილმების ჩვენება და უცხოელი ექსპერტების მონაწილეობით დისკუსია გაიმართება. ფილმების ჩვენებითა და დისკუსიებით მონაწილეებს საშუალება ექნებათ, უყურონ თანამედროვე ფრანგულ და გერმანულ ფილმებს, შეაფასონ ისინი და ექსპერტებთან ერთად ისაუბრონ მათში ასახულ მნიშვნელოვან და აქტუალურ თემებზე.

6 ივნისს, 19:00 საათზე, ბსუ-ს ეკონომიკისა და ბიზნესის ფაკულტეტის 25 წლის იუბილესადმი მიძღვნილი ღონისძიებების ციკლის ფარგლებში საბუღალტრო აღრიცხვის, აუდიტისა და საგადასახადო საქმის დარგობრივი დეპარტამენტის პროფესორი ვაჟა ვერულიძე ლექციას ჩაატარებს თემაზე: „ევროკავშირთან გაფორმებული ასოცირების შეთანხმების გავლენა ექსპორტისა და ეკონომიკის ზრდაზე“. პროფესორ ვაჟა ვერულიძის კვლევის ინტერესებს წარმოადგენს ეკონომიკის საგადასახადო და ფულად-საკრედიტო რეგულირების პრობლემები.

„ბსუ-ს სტუდენტური დღეები 2022’’ იწყება!
„ბსუ-ს სტუდენტური დღეები 2022’’ ბათუმის შოთა რუსთაველის სახელმწიფო უნივერსიტეტის მასშტაბური პროექტია, რომლის ფარგლებში ბსუ-ს სტუდენტები, ფაკულტეტების მიხედვით ეჯიბრებიან ერთმანეთს სპორტული, კულტურული და ინტელექტუალური აქტივობების სხვადასხვა სახეობაში.
პროექტის მიზანია:
ა) სტუდენტებში ცხოვრების ჯანსაღი წესის დამკვიდრება;
ბ) მასობრიობის დანერგვა;
გ) სპორტის და კულტურის პოპულარიზაცია;
დ) სტუდენტური ნაკრებებისთვის კანდიდატების შერჩევა;