2021 წლის 18-19 ივნისს გაიმართება ბათუმის შოთა რუსთაველის სახელმწიფო უნივერსიტეტის სტუდენტთა საუნივერსიტეტო სამეცნიერო კონფერენცია - 2021. სტუდენტმა კონფერენციაში მონაწილეობისთვის 2021 წლის 7 თებერვლიდან 7 მარტის ჩათვლით portal.bsu.edu.ge-ზე უნდა დაარეგისტრიროს სამეცნიერო ნაშრომის სათაური და სამეცნიერო ხელმძღვანელის სახელი-გვარი (აკადემიური თანამდებობის მითითებით).
2021 წლის 21 თებერვალს, 12:00 საათზე სამეცნიერო კონფერენცია „საქართველოს პირველი კონსტიტუციის 100 წელი“ გაიხსნება. კონფერენცია ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის ორგანიზებით ონლაინ რეჟიმში ტარდება. სამეცნიერო სესიაში მონაწილეობის მისაღებად ეწვიეთ პლატფორმა Zoom-ის შემდეგ მისამართს: https://us02web.zoom.us/j/5276480435
2021 წლის 19-20 მარტს, მართვისა და კომუნიკაციის საერთაშორისო სასწავლო უნივერსიტეტი „ალტერბრიჯი“ მართავს სამეცნიერო კონფერენციას თემაზე: „სტრატეგიული კომუნიკაცია დღეს: არსებული სირთულეები და შესაძლებლობები“. კონფერენციაში მონაწილეობა შეუძლია უმაღლესი საგანმანათლებლო დაწესებულებების, კვლევითი ცენტრის/ინსტიტუტის აკადემიურ პერსონალს/მკვლევარს, ახალგაზრდა მეცნიერებს, სტუდენტებსა და დარგის სპეციალისტებს.
2021 წლის 3 აპრილს ბათუმის შოთა რუსთაველის სახელმწიფო უნივერსიტეტისა და აჭარის ა.რ. განათლების, კულტურისა და სპორტის სამინისტროს თანამშრომლობის ფარგლებში გაიმართება მოსწავლეთა მეოთხე სამეცნიერო ვიდეოკონფერენცია თემაზე: „ახლო აღმოსავლეთი და საქართველო“. კონფერენცია პროექტის „უნივერსიტეტი - სკოლას“ ეგიდით ტარდება და მოხსენებები წარმოდგენილი იქნება შემდეგი მიმართულებით: ახლო აღმოსავლეთისა და საქართველოს ისტორიული, ეთნოგრაფიული და არქეოლოგიური ურთიერთობები და ახლო აღმოსავლეთისა და საქართველოს კულტურული, ენობრივი და ლიტერატურული ურთიერთობები.
19 ნოემბერს, 09:00 სააათზე, სეზონური სკოლა „სკოლამდელი განათლების საბაკალავრო საგანმანათლებლო პროგრამის სასწავლო და პრაქტიკული კომპონენტების განვითარება“ გაიხსნება. ერთკვირიანი სკოლის მიზანია, ხელი შეუწყოს საქართველოს სახელმწიფო უნივერსიტეტებში სკოლამდელი განათლების საბაკალავრო საგანმანათლებლო პროგრამების შინაარსობრივ და მეთოდოლოგიურ განვითარებას. აჭარის ა.რ. განათლების, კულტურისა და სპორტის სამინისტროს პროგრამის „უმაღლესი განათლების“ ქვეპროგრამის „უმაღლესი განათლების ხელშეწყობა“ ფარგლებში დაფინანსებულ სეზონურ სკოლას ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტი ახორციელებს.
