კონფერენციები

27-28 მაისს ონლაინ-რეჟიმში ჩატარდება XI საერთაშორისო სამეცნიერო კონფერენცია „ბათუმი – წარსული და თანამედროვეობა“. კონფერენცია იმართება ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტისა და ქალაქ ბათუმის მერიის ორგანიზებით. სამეცნიერო ფორუმის მუშაობაში მონაწილეობას მიიღებენ საქართველოსა და უცხოეთის სხვადასხვა სამეცნიერო-კვლევითი თუ საგანმანათლებლო ცენტრის წარმომადგენლები, რომელთა მოხსენებები შეეხება ქალაქ ბათუმის წარსულისა და აწმყოს მნიშვნელოვან საკითხებს, სამომავლო პერსპექტივებს.

2021 წლის 8-9 ნოემბერს ცენოვის ეკონომიკის აკადემია გიწვევთ დაარსებიდან 85 წლისთავისადმი მიძღვნილ საერთაშორისო სამეცნიერო კონფერენციაზე - „მდგრადი განვითარება და სოციალური და ეკონომიკური ერთობა XXI საუკუნეში: ტენდენციები და გამოწვევები”. კონფერენცია ოთხი სექციის მიმართულებით წარიმართება ZOOM-ის პლატფორმის გამოყენებით.

2021 წლის 29 სექტემბერს გაიმართება საერთაშორისო სამეცნიერო კონფერენცია: „მსოფლიო ეკონომიკა და საერთაშორისო ბიზნესის განვითარება: მიმდინარე ტენდენციები და წინააღმდეგობები”. კონფერენციის მიზანია, შეისწავლოს საერთაშორისო ეკონომიკაში მიმდინარე ტენდენციები და ბიზნესის განვითარების საერთაშორისო სტრატეგიები; ეკონომიკური კვლევის შედეგების სასწავლო პროცესსა და საერთაშორისო ბიზნესპრაქტიკაში გადატანის გზები. კონფერენიის ამოცანაა დაინტერესებულ მხარეებთან ურთიერთობის დამყარება საზოგადოების საჭიროებების შესაბამისად კვლევის განახლების, სასწავლო პროცესის შრომის ბაზრის მოთხოვნების ადაპტირების, ტრენინგის პრაქტიკული კომპონენტის გაუმჯობესების მიზნით.

ყაზახეთის რესპუბლიკის ჯანდაცვის სამინისტრო და მარათ ოსპანოვის სახელობის სამედიცინო უნივერსიტეტი ახალგაზრდა მკვლევარებს იწვევს მონაწილეობის მისაღებად მესამოცე საერთაშორისო კონფერენციაში „მეცნიერება: გუშინ, დღეს, ხვალ“. კონფერენცია გაიმართება 2021 წლის 29 აპრილს. ღონისძიებაში მონაწილეობის მსურველებმა აუცილებელი დოკუმენტაცია უნდა წარმოადგინონ 2021 წლის 14 აპრილამდე.

21 თებერვალს, 15:00 საათზე ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტზე, ჟან მონეს კათედრის ორგანიზებით, ჟან მონეს სტუდენტური კონფერენცია გაიხსნება. კონფერენცია ეძღვენა საქართველოს პირველი კონსტიტუციის მიღებიდან 100 წლის საიუბილეო თარიღს. კონფერენციაზე ჟან მონეს სასწავლო პროგრამის კურსდამთავრებული სტუდენტები წარმოადგენენ მოხსენებებს ევროპის კავშირის ძირითადი ღირებულებების, ევროპული ინტეგრაციის, ევროკავშირში დემოკრატიის და ადამიანის უფლებათა დაცვის საკითხებზე.