კონფერენციები

ბელარუსიის ეროვნული ტექნოლოგიური უნივერსიტეტის და განათლების სწავლისა და მონიტორინგის ინტეგრირებული ფორმის ინსტიტუტის ორგანიზებით იმართება IV საერთაშორისო სამეცნიერო პრაქტიკული კონფერენცია „Ongoing system of education “School-University”. Innovations and prospects”. სამეცნიერო სესია ჩატარდება 29–30 ოქტომბერს, მინსკში. კონფერენციის მონაწილეთა რეგისტრაციის ბოლო თარიღია 2020 წლის 1-ელი ოქტომბერი.

საერთაშორისო ჟურნალი „სოციალური კვლევებისა და ქცევითი მეცნიერებები“ ატარებს VI-VII საერთაშორისო კონფერენციებს. VI საერთაშორისო კონფერენცია გაიმართება 3–4 ოქტომბერს, ქალაქ ბათუმში. კონფერენციას მასპინძლობს ჟურნალი „სოციალური კვლევები და ქცევითი მეცნიერებები“ და ბათუმის სახელმწიფო საზღვაო აკადემია. VII საერთაშორისო კონფერენცია გაიმართება 24–25 ოქტომბერს ქალაქ ანტალიაში.

CODFREURCOR-ის (ცენტრალური და აღმოსავლეთ ევროპის ფრანკოფონიური ჰუმანიტარულ მეცნიერებათა სადოქტორო კოლეგია) მე-8 საერთაშორისო კონფერენცია „ეროვნული ლიტერატურა თარგმანში“ გაიმართება ბათუმის შოთა რუსთაველის სახელმწიფო უნივერსიტეტში.

ბათუმის საერთაშორისო საზაფხულო სკოლა 2012 წელს დაარსდა და წელს მეცხრედ ტარდება. გასულ წლებში ჩატარებული საზაფხულო სკოლები მიზნად ისახავდა დიგიტალური ჰუმანიტარიის განვითარებას საქართველოში. წლევანდელი საზაფხულო სკოლის თემაა „ციფრული რუსთველოლოგია“.

მიმდინარე წლის 7, 8 და 9 სექტემებრს ბათუმის სახელმწიფო უნივერსიტეტში დაგეგმილია ტრენინგი თემაზე - „მრავალფეროვნება, ინკლუზია და თანაბარი შესაძლებლობები თავდაცვის და უსაფრთხოების ინსტიტუტებში“. ტრენინგი იმართება ნიდერლანდების საელჩოს მიერ მხარდაჭრილი პროექტის ფარგლებში „მრავალფეროვნების მართვა და ქალთა თანაბარი მონაწილეობის მხარდაჭერა თავდაცვის და უსაფრთხოების ინსტიტუტებში“. პროექტს ახორციელებს სამოქალაქო საბჭო თავდაცვის და უსაფრთხოების იურიდიული და სოციალურ მეცნიერებათა ფაკულტეტის მონაწილეობით და მხარდაჭერით.