კონკურსები

ეროვნულ–დემოკრატიული ინსტიტუტი NDI აცხადებს კონკურსს ბათუმის საკრებულოში სტაჟირების პროგრამაზე. კონკურსის გამარჯვებულები სტაჟირებას 2015 წლის იანვრიდან ივლისის ჩათვლით სრულ განაკვეთით (სამუშაო საათები 10:00– 18:00 საათი) გაივლიან და სტიპენდიას მიიღებენ 150 დოლარის ოდენობით. სტაჟიორებს შესაძლებლობა ექნებათ იმუშაონ საკრებულოს სხვადასხვა ფრაქციაში და მონაწილეობა მიიღონ NDI-ის მიერ ორგანიზებულ ტრენინგებში.

საგრანტო კონკურსის მიზანია დოქტორანტურის საგანმანათლებლო პროგრამების განხორციელების ხელშეწყობისათვის გათვალისწინებული ხარჯების დაფინანსების გზით სტიმული მისცეს სახელმწიფოში ინტელექტუალური პოტენციალის განვითარებასა და მაღალი კვალიფიკაციის სამეცნიერო პერსონალის მომზადებას, უნივერსიტეტში არსებული ინტელექტუალური პოტენციალის მიზნობრივ გამოყენებას და სამეცნიერო კვლევისათვის სათანადო პირობების შექმნას. საგრანტო კონკურსი ასევე ითვალისწინებს დოქტორანტებისა და უნივერსიტეტების უცხოეთში არსებულ უმაღლეს საგანმანათლებლო და სამეცნიერო-კვლევით დაწესებულებებთან თანამშრომლობასა და ამ გზით საქართველოში უმაღლესი განათლების ხარისხის ამაღლებას.

ესტონურ-ქართული ერთობლივი პროექტი „SMART UP GEORGIA” აცხადებს კონკურსს პროექტის მონაწილე სტუდენტთა შესარჩევად. პროექტმა სტარტი 10 ნოემბერს აიღო და მასში მონაწილეობის მიღება საქართველოს ყველა უმაღლესი საგანმანათლებლო დაწესებულების სტუდენტს შეუძლია. SMART UP GEORGIA სტუდენტთა შორის „სტარტ-აპ“ შეჯიბრების და სამეწარმეო უნარების განვითარების პროგრამაა და ახალგაზრდებს შესაძლებლობას აძლევს შეაფასონ და განავითარონ საკუთარი მეწარმეობის უნარი, ლიდერის თვისებები, გუნდური მუშაობის ჩვევები.

სახელმწიფო სამეცნიერო საგრანტო კონკურსის – „კვლევები მოსწავლეთა მონაწილეობით“ მიზანია მოსწავლეთა განათლების ხარისხის ამაღლება, განათლებისა და კვლევების დაახლოება; კვლევების პოპულარიზაციის გზით სკოლის მოსწავლეთა დაინტერესება მეცნიერებით; მოსწავლეთა შორის კვლევითი უნარების გამომუშავების ხელშეწყობა; პედაგოგთა მოტივაციის ამაღლება მოსწავლეთა კვლევებში ჩასართავად; მეცნიერთა, მათ შორის, ახალგაზრდა მეცნიერთა, ინტერესის გაზრდა სასკოლო პროცესში მონაწილეობისათვის; სასწავლო პროცესში ისეთი სიახლეების დანერგვა, რომლებიც ხელს შეუწყობს სკოლის მუშაობის ეფექტიანობის გაზრდას; დაეხმარება მოსწავლეს გაიაზროს ამა თუ იმ საგნის მნიშვნელობა, რაც გაზრდის მის დაინტერესებას მეცნიერებისადმი.