რსუ-ს აკადემიურმა საბჭომ განსაკუთრებული დამსახურე- ბისათვის ემერიტუსის წოდება მიანიჭა უნივერსტეტის შვიდ სრულ პროფესორს: აკაკი ბერიძეს, ამირან კახიძეს, ბიჭიკო დიასამიძეს, ანზორ დიასამიძეს, მურმან დავითაძეს, რევაზ ზოსიძესა და თემურ გოგმაჩაძეს. უნივერსიტეტის რექტორმა დამსახურებულ პროფესორებს მადლობა გადაუხადა უმაღლესი სასწავლებლის განვითარებაში შეტანილი წვლილისათვის და აკადემიური საბჭოს სახელით სიგელები გადასცა
რსუ-ს საკონფერენციო დარბაზში შოთა რუსთაველის სახელმწიფო უნივერსიტეტის პირველი რექტორის, აღიარებული მეცნიერის, საქართველოს მეცნიერებათა აკადემიის წევრ-კორესპოდენტისა და ქართული მათემატიკური სკოლის თვალსაჩინო წარმომადგენლის დურსუნ ბალაძის 80 წლისთავისადმი მიძღვნილი ღონისძიება გაიმართა. მსოფლიოში აღიარებული მეცნიერის ცხოვრება და მოღვაწეობა კიდევ ერთხელ გაიხსენეს პროფესორ-მასწავლებლებმა და საზოგადოების წარმომადგენლებმა.
ზურაბ ნოღაიდელის მიერ რუსეთის მმართველ პარტიასთან გაფორმებული მემორანდუმი შოთა რუსთაველის სახელმწიფო უნივერსიტეტის სტუდენტებმა 9 აპრილის მემორიალთან გამართული აქციით გააპროტესტეს. ახალგაზრდებმა საქართველოს ექს-პრემიერის რუს ოკუპანტებთან თანამშრომლობა დაგმეს და მას ღია ,,წერილი იუდას“ გაუგზავნეს
ჩატარდა ამერიკელი ავტორების ა. ტომპსონი-უმცრ. და ა. სტრიკლენდი III-ის პირველი ქართულენოვანი სახელმძღვანელოს ,,სტრატეგიული მენეჯმენტის“ წარდგინება, რომელიც რსუ-ს ბიზნესის უმაღლესმა სკოლამ თარგმნისა და გამოცემის ექსკლუზიური უფლების საფუძველზე გამოსცა. სახელმძღვანელოს მიზანია თანამედროვე, კონკურენტუნარიან მენეჯერთა მომზადება, რომელთაც შეეძლებათ სწორი გადაწყვეტილებების მიღება, სტრატეგიების შემუშავება და ეფექტური რეალიზება
დამდეგი შობა-ახალი წელი სტუდენტებმა და პროფესორ-მასწავლებლებმა ერთობლივი კონცერტით აღნიშნეს. შეკრებილთ დღესასწაული უნივერსიტეტის რექტორმა ალიოშა ბაკურიძემ მიულოცა, განვლილი სასწავლო წელი შეაჯამა და საუკეთესო პროფესორად არჩეულ მერი ცინცაძეს ფულადი ჯილდო გადასცა. სტუდენტური თვითმმართველობის თავმჯდომარემ ამირან გოგიავამ უხუცესი პროფესორ-მასწავლებლები ახალგაზრდების აღზრდში შეტანილი წვლილისათვის სიგელებით დააჯილდოვა და პროფესიულმა კავშირებმა ფასიანი საჩუქრები გადასცა.
