აიოვას სახელმწიფო უნივერსიტეტისა (აშშ) და ართვინის ჭოროხის უნივერსიტეტის (თურქეთი) პროფესორ-მასწავლებლები რსუ-ს რექტორსა და ფაკულტეტის დეკანებს შეხვდნენ. მხარეები სტუდენტური გაცვლითი პროგრამების განხორციელებაზე, ერთობლივად მაგისტრანტებისა და დოქტორანტების მომზადებასა და სამეცნიერო კონფერენციების ჩატარებაზე შეთანხმდნენ. უახლოეს მომავალში აიოვას სახელმწიფო უნივერსიტეტთან ურთიერთთანამშრომლობის მემორანდუმი გაფორმდება.
სოციალურ მეცნიერებათა, ბიზნესისა და სამართალმცოდნეობის ფაკულტეტთან არსებულმა ფოტო-ვიდეო სტუდიამ და სტუდენტურმა თვითმმართველობამ ერთობლივი პროექტების შედეგები წარმოადგინეს. საანგარიშო გამოფენაზე ფოტოებთან ერთად ნაჩვენები იყო ,,აჭარის ქრისტიანული ძეგლების“ სერიიდან ფილმები: ,,ხიხანი“ და ,,აიდიო“. დოკუმენტური ფილმების პრეზენტაციის შემდეგ ნამუშევრების განხილვა მოეწყო.
რსუ-ს საკონფერენციო დარბაზში საქართველოს ეკოლოგიურ მეცნიერებათა და საქართველოს ფაზისის მეცნიერებათა აკადემიების აკადემიკოსის შაქრო ფალავანდიშვილის 70 წლისთავისადმი მიძღვნილი საღამო გაიმართა. შოთა რუსთაველის სახელმწიფო უნივერსიტეტისა და ქვეყნის სხვადასხვა უმაღლესი სასწავლებლების პროფესორ-მასწავლებლებმა კიდევ ერთხელ შეაფასეს პროფესორის სამეცნიერო მიღწევები და გაიხსენეს მის მიერ განვლილი გზა
შოთა რუსთაველის სახელმწიფო უნივერსიტეტი აგრძელებს ღია კარის დღეებს გურიისა და სამეგრელოს რეგიონების საჯარო სკოლების დამამთავრებელი კლასების მოსწავლეებისათვის. პროფესორ-მასწავლებლებმა მომავალ სტუდენტებს უმაღლეს სასწავლებელში დანერგილი თანამედროვე საერთაშორისო მოთხოვნათა შესაბამისი სწავლების პირობები გააცნეს და რსუ-ს პარტნიორი უცხოეთის წამყვანი უნივერსიტეტების გაცვლით პროგრამებში მონაწილეობა შესთავაზეს
