ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტისა და აღმოსავლეთმცოდნეობის დეპარტამენტის ორგანიზებით, პროექტის - “უნივერსიტეტი-სკოლას“ - ფარგლებში, გაიმართა მოსწავლეთა მესამე სამეცნიერო ვიდეოკონფერენცია თემაზე: „ახლო აღმოსავლეთი და საქართველო“. კონფერენციაში მონაწილეობდნენ ბათუმის, ქობულეთის, ხელვაჩაურისა და ქედის საჯარო სკოლის მოსწავლეები. სამეცნიერო სესიის მონაწილეებმა წარმოადგინეს საინტერესო მოხსენებები ახლო აღმოსავლეთისა და საქართველოს ისტორიული და კულტურული ურთიერთობების საკითხებზე. მონაწილეები დაჯილდოვდებიან მადლობის სიგელითა და სერტიფიკატით.

საქართველოს დამოუკიდებლობის აღდგენის დღე ბათუმის შოთა რუსთაველის სახელმწიფო უნივერსიტეტის პროფესორ-მასწავლებლებმა სამეცნიერო კონფერენციით აღნიშნეს. კონფერენცია გახსნეს და მონაწილეებს საქართველოს დამოუკიდებლობის აღდგენის დღე მიულოცეს ბსუ-ს რექტორმა მერაბ ხალვაშმა და ჰუმანიტარულ მეცნიერებათა ფაკულტეტის დეკანმა მარინა გიორგაძემ. სესიაზე ბსუ-ს მკვლევარებმა საქართველოს სხვადასხვა უნივერსიტეტის წარმომადგენლებთან ერთად, 102 წლის წინ განვითარებული მოვლენები შეაფასეს.

26 მაისს, 14:00 საათზე, Zoom-ის ონლაინ პლატფორმაზე, ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ისტორიის, არქეოლოგიისა და ეთნოლოგიის დეპარტამენტის ორგანიზებით საქართველოს დამოუკიდებლობის აღდგენის 102 წლისადმი მიძღვნილი სამეცნიერო კონფერენცია გაიმართება.

ბსუ-ს ჰუმანიტარულ მეცნიერებათა ფაკულტეტის ასოცირებულმა პროფესორმა გიორგი მასალკინმა საჯარო ლექცია წაიკითხა თემაზე: „პოსტკორონისეული სამყარო და ჩვენ”. მომხსენებელმა ღონისძიებაზე ისეთ აქტუალურ საკითხებზე, როგორიცაა: თუ რა გავლენას მოახდენს ეს მოვლენა საერთაშორისო გლობალურ პროცესებზე ეკონომიკაში, პოლიტიკაში, განათლების, კულტურისა და ხელოვნების სფეროებში; რა გავლენას მოახდენს ის კომუნიკაციაზე (რომელიც განსაზღვრავს ცივილიზაციის რაობას); დემოკრატიის რაობაზე, - ხომ არ დაემატება დილემას - „თავისუფლება თუ უსაფრთხოება“, ახალი დილემა - „თავისუფლება თუ ჯამრთელობა“. რომელი პოლიტიკური იდეოლოგია და რეჟიმები აღმოჩნდებიან უფრო სიცოცხლისუნარიანები არსებულ მდგომარეობაში; რა შეიცვლება სოციალურ ურთიერთობებში - ატომიზაცია, რობინზონიზაცია, ახალი სოციალური ქცევა, ჩვევები და ა.შ.

19 მაისს, 17:00 საათზე, ZOOM - ის ონლაინ პლატფორმაზე ბსუ-ს ჰუმანიტარულ მეცნიერებათა ფაკულტეტის ასოც. პროფ გიორგი მასალკინი ჩაატარებს საჯარო ლექციას თემაზე: “პოსტკორონისეული სამყარო და ჩვენ”. ეს მოხსენება, ბუნებრივია, არ არის საკითხის შეჯამების მცდელობა, ჯერ ადრეა დასკვნების გაკეთება, ესაა მცდელობა კითხვების დასმისა, კითხვების, რომლებზეც სამყაროს და ჩვენ მოგვიწევს პასუხების გაცემა.