იურიდიული და სოციალურ მეცნიერებათა ფაკულტეტის დეკანი, ადმინისტრაციის წარმომადგენლებთან და პროფესორ-მასწავლებლებთან ერთად, პირველკურსელებს შეხვდნენ, ახალგაზრდებს სტუდენტობა მიულოცეს და წარმატებები უსურვეს. სტუდენტები შეხვედრაზე უმაღლესი საგანმანათლებლო დაწესებულების საუნივერსიტეტო ცხოვრებას, ძირითად მარეგულირებელ აქტებს, საგანმანათლებლო პროგრამების განხორციელებისა და სტუდენტთა აკადემიური შეფასების წესებს, სტიპენდიებს, გაცვლით პროგრამებს, ელექტრონულ სერვისებსა და კულტურულ-საგანმანათლებლო პროექტებს გაეცნენ. შეხვედრა კითხვა-პასუხის რეჟიმში გაგრძელდა და სტუდენტებმა მათთვის საინტერესო კითხვებზე ამომწურავი პასუხები მიიღეს.

მიკოლას რომერის უნივერსიტეტმა (ლიეტუვა) უმასპინძლა ფასილიტატორთა ტრენინგს, რომელიც გაიმართა Erasmus+ ვირტუალური გაცვლის პროექტის "მოლაპარაკებებისა და კონფლიქტების მოგვარების ხელოვნება (ArtNoConflict)-ის" ფარგლებში და სხვა პარტნიორ უნივერსიტეტებთან ერთად, მასპინძლობდა ბსუ-ს წარმომადგენლებსაც. ტრენინგს უძღვებოდნენ ნიდერლანდებიდან და ლიეტუვადან მოწვეული გამოცდილი ტრენერები, რომლებმაც მონაწილეებს შესთავაზეს კონფლიქტების მართვის თეორიული მასალა და პრაქტიკული სესიები.

2-6 სექტემბერს, ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის დეკანი, პროფესორი ლევან ჯაყელი და დეკანის მოადგილე სალომე კარალიძე ოფიციალური ვიზიტით მიკოლას რომერის უნივერსიტეტის (ლიეტუვა) სამართლის სკოლაში იმყოფებოდნენ. აღნიშნულ უნივერსიტეტებს შორის თანამშრომლობა 2014 წლიდან დაიწყო, სწორედ თანამშრომლობის 10 წლის აღსანიშნავად განისაზღვრა თანამშრომლობის ახალი მიმართულებები.

ბსუ მეცხრედ მასპინძლობს ბათუმის საზაფხულო უნივერსიტეტს „ბირთვული უსაფრთხოების რეჟიმი გაჭიანურებული კრიზისის პირობებში: წარსულის გაკვეთილები, მიმდინარე გამოწვევები და მომავლის ხედვა”. სამი დღის განმავლობაში ბათუმის საზაფხულო უნივერსიტეტის მონაწილეები საქართველოდან, დიდი ბრიტანეთიდან, შვედეთიდან, ჰოლანდიიდან, ტაივანიდან, ავსტრიიდან და უკრაინიდან განიხილავენ გლობალური უსაფრთხოების, საგარეო პოლიტიკის, ბირთვული გაუვრცელებლობის რეჟიმის, არსებული კრიზისის და გამოწვევების საკითხებს.

16-18 ივლისს, ნიდერლანდების ბიზნეს-აკადემიამ უმასპინძლა ტრენერთა ტრენინგს, რომელიც გაიმართა Erasmus+ ვირტუალური გაცვლის პროექტის "მოლაპარაკებებისა და კონფლიქტების მოგვარების ხელოვნება (ArtNoConflict)-ის" ფარგლებში და სხვა პარტნიორ უნივერსიტეტებთან ერთად, მასპინძლობდა ბსუ-ს წარმომადგენლებსაც. ტრენინგს უძღვებოდნენ ნიდერლანდებიდან და ლიეტუვადან მოწვეული გამოცდილი ტრენერები, რომლებმაც მონაწილეებს შესთავაზეს კონფლიქტების მართვის თეორიული მასალა და პრაქტიკული სესიები.