სმენის და მხედველობის დარღვევების მქონე პირთა აქტუალურ საკითხებზე სემინარი ჩატარდა ბათუმის შოთა რუსთაველის სახელმწიფო უნივერსიტეტში. პოლონელმა და ქართველმა ტრენერებმა სტუდენტებს სმენისა და მხედველობის მქონე პირთა პრობლემები და მათთან ურთიერთობის სპეციფიკა გააცნეს. ღონისძიება პროექტის „სმენის და მხედველობის დარღვევების მქონე პირთა მხარდამჭერის სისტემის შექმნა საქართველოში“ ფარგლებში საგარეო საქმეთა სამინისტროს პოლონეთის დახმარების პროგრამის ფინანსური მხარდაჭერით გაიმართა. პროექტი პოლონური ორგანიზაციი HumanDoc-ისა და საქართველოს სახალხო დამცველის აპარატის ორგანიზებით ხორციელდება.

ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის ასოცირებულმა პროფესორმა მალხაზ ნაკაშიძემ მონაწილეობა მიიღო 23 ოქტომბერს, ვილნიუსში გამართულ ლიეტუვას კონსტიტუციის დღისადმი მიძღვნილ საერთაშორისო კონფერენციაში. მალხაზ ნაკაშიძემ კონფერენციაზე წარადგინა მოხსენება: „საჯარო მონაწილეობა კონსტიტუციის მიღებისა და ცვლილებების პროცესში საქართველოში“. კონფერენცია ლიეტუვას რესპუბლიკის სეიმის, საკონსტიტუციო სასამართლოს, ადვოკატთა ასოციაციისა და მიკოლას რომერის უნივერსიტეტის ორგანიზებით გაიმართა. ვიზიტის ფარგლებში მალხაზ ნაკაშიძე შეხვდა მიკოლას რომერის უნივერსიტეტის იურიდიული ფაკულტეტის ხელმძღვანელობას და ბსუ-ს სამართლის სპეციალობის სტუდენტებს, რომლებიც მიკოლას რომერის უნივერსიტეტში ლიეტუვას მთავრობის სტიპენდიის ფარგლებში სწავლობენ.

ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტი ბაკალავრიატის საგანმანათლებლო პროგრამების სტუდენტთათვის აცხადებს კონკურსს პროფესორ სერგო ჯორბენაძის და ტბელ აბუსელიძის სახელობითი სტიპენდიების მოსაპოვებლად. კონკურსში მონაწილეობის მიზნით კონკურსანტებმა 2019 წლის 21 ოქტომბრიდან 31 ოქტომბრის ჩათვლით 10:00 საათიდან 16:00 საათამდე იურიდიული და სოციალურ მეცნიერებათა ფაკულტეტის დეკანის ოფისში, ოთახი №513 უნდა წარადგინონ.

სხეულზე ორიენტირებული ფსიქოთერაპევტმა, ფსიქოლოგმა ვიქტორია მელიხოვამა ბსუ-ს იურიდიული და სოციალურ მეცნიერებათა ფაკულტეტის ფსიქოლოგიის კლინიკის ორგანიზებით საჯარო ლექცია ჩაატარა თემაზე: „თანადამოკიდებულება“ (ზოგადი ცნებები, ძირითადი მახასიათებლები). ვიქტორია მელიხოვამა ისაუბრა თვითდიაგნოსტიკასა და თანადამოკიდებულების პარალელურობის შესახებ დამოკიდებულების გამოვლინების შემთხვევაში. მომხსენებელმა პასუხი გასცა კითხვას, თუ რატომ რჩება ადამიანს საკუთარი ინტერესები უყურადღებოდ, როცა მისი ყურადღება მიმართულია სხვა პიროვნებაზე.

ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის სტუდენტებს საქართველოს ახალგაზრდა იურისტთა ასოციაციის თავმჯდომარე სულხან სალაძე შეხვდა. არასამთავრობო ორგანიზაციის ხელმძღვანელმა შეხვედრაზე სასამართლო სისტემის წინაშე არსებული გამოწვევები, ქვეყანაში არსებული მედია გარემო და 2020 წლის საპარლამენტო არჩევნებთან დაკავშირებული საკანონმდებლო სიახლეები განიხილა. შეხვედრის დასასრულს დისკუსია გაიმართა და სულხან სალაძემ სტუდენტების შეკითხვებს უპასუხა.