იურიდიული მეცნიერებათა და სოციალურ მეცნიერებათა ფაკულტეტის სამართლისა და საჯარო მმართველობის დეპარტამენტის პროფესორი ომარ ფარტენაძე სტუდენტებთან ერთად ბათუმის №13 საჯარო სკოლის XI-XII კლასის მოსწავლეებისათვის საინფორმაციო-საგანმანათლებლო ღონისძიების ჩაატარეს. სტუდენტებმა პრეზენტაცია წარადგინეს ისეთ საკითხებზე, როგორიცაა: ცივ იარაღთან და ნარკოტიკებთან დაკავშირებული საკითხების პრობლემატიკა, რეგულირების სფერო. ასევე გაიმართა კრიმინალისტიკის კაბინეტ-ლაბორატორიაში არსებული საგამოძიებო ჩემოდნების დემონსტრირება.

იურიდიული და სოციალურ მეცნიერებათა ფაკულტეტის ასისტენტ პროფესორი მაია თოიძე ქალაქ ბათუმის N10 საჯარო სკოლის IX-XII კლასის მოსწავლეებს შეხვდა და საჯარო ლექცია ჩაუტარა თემაზე - „პროფესიის არჩევა და მასთან დაკავშირებული გამოწვევები“. ასისტენტ პროფესორმა პროფესორმა მაია თოიძემ მოსწავლეებს მიეწოდათ ინფორმაცია პროფორიენტაციის მნიშვნელობაზე, რას უნდა მიექცეს ყურადღება სამომავლო პროფესიის არჩევისას და რა გამოწვევებს აწყდებიან ახალგაზრდები ამ კუთხით. შეხვედრამ ინტერაციულ რეჟიმში ჩაიარა.

საქართველოს პირველი კონსტიტუციისადმი მიძღვნილი ღონისძიება გაიმართა ბათუმის შოთა გაიმართა რუსთაველის სახელმწიფო უნივერსიტეტში. ბსუ-ს პროფესორმა, ჟან მონეს კათედრის ხელმძღვანელმა მალხაზ ნაკაშიძემ სხვადასხვა ფაკულტეტის სტუდენტებისათვის საჯარო ლექცია ჩაატარა თემაზე: „საქართველოს პირველი ევროპული კონსტიტუცია“. ღონისძიების ფარგლებში გაიმართა დისკუსია პირველი კონსტიტუციის ძირითადი ღირებულებების შესახებ. საქართველოს დამფუძნებელმა კრებამ 1921 წლის 21 თებერვლის მიიღო საქართველოს პირველი კონსტიტუცია, რომელიც ბათუმში, ნესტორ ხვინგიას სტამბაში დაიბეჭდა.

ბათუმის შოთა რუსთაველის სახელმწიფო უნივერსიტეტში ზამთრის სკოლა „ევროკავშირში გაწევრიანების პოლიტიკური კრიტერიუმები და ევროპეიზაცია“ გაიხსნა. სკოლა ტარდება „ერაზმუს+“-ის პროგრამის ფარგლებში, ევროკავშირის მიერ დაფინანსებული ჟან მონეს მოდულის „ევროკავშირში გაწევრიანების პოლიტიკური კრიტერიუმები და საქართველოს, მოლდოვასა და უკრაინის ევროპეიზაციის“ ფარგლებში, რომელიც იურიდიული და სოციალურ მეცნიერებათა ფაკულტეტზე ხორციელდება 2023 წლიდან. მოდული მიზნად ისახავს ევროკავშირის ღირებულებების პოპულარიზაციას, ევროკავშირის შესახებ კვლევებისა და სწავლების განვითარების ხელშეწყობის გზით. მოდულის კოორდინატორია ბსუ-ს პროფესორი, ჟან მონეს კათედრის ხელმძღვანელი მალხაზ ნაკაშიძე.

გამოცხადდა „აჭარის რეგიონში პრაქტიკული სამართლის და კონსტიტუციური მართლმსაჯულების სწავლების ხელშეწყობა“ პროექტის მონაწილეთა შესარჩევი კონკურსი. კონკურში მონაწილეობის მიღება შეუძლიათ იურიდიული და სოციალურ მეცნიერებათა ფაკულტეტის სამართალმცოდნეობის პროგრამის მეოთხე კურსის აქტიური სტატუსის მქონე სტუდენტებს. აპლიკანტებს განაცხადის (დანართი 1-ის შესაბამისად) წარდგენა შეუძლიათ 19 თებერვლიდან 28 თებერვლის ჩათვლით ელექტრონულად შემდეგ მისამართზე: info.lscf@bsu.edu.ge და მატერიალური სახით დეკანის ოფისში (კაბ. 518), სამუშაო დღეებში დილის 10:00 საათიდან 17:00 საათამდე.