ბათუმის შოთა რუსთაველის სახელმწიფო უნივერსიტეტის პროფესიული პროგრამების მართვისა და უწყვეტი განათლების ცენტრს ბათუმის N25, N9 და სოფელ ხალას საჯარო სკოლის მოსწავლეები ეწვივნენ. ცენტრის პერსონალმა მოსწავლეებს ბსუ-ს პროფესიული საგანმანათლებლო პროგრამები, პროფესიული განათლების მიღების შესაძლებლობები და უპირატესობები გააცნო. მოსწავლეებს უნივერსიტეტის სტუდენტური ცხოვრებისა და გამოცდილების შესახებ კი წარმატებული კურსდამთავრებული ანა მესხიძე ესაუბრა. შეხვედრის დასრულების შემდეგ, მოსწავლეებმა პროფესიული პროგრამების მართვისა და უწყვეტი განათლების ცენტრის მატერიალურ-ტექნიკური ბაზა დაათვალიერეს.

ბსუ-ს პროფესიული პროგრამების მართვისა და უწყვეტი განათლების ცენტრის ორგანიზებით, პროფესიული განათლების მასწავლებლებისთვის ჩატარდა 2-დღიანი ტრენინგი თემაზე „სწავლება და შეფასება პროფესიულ განათლებაში". ტრენინგს წინ უძღოდა პროფესიული მასწავლებლების საჭიროებათა კვლევა. ტრენინგის პირველი დღე დაეთმო ისეთ მნიშვნელოვან საკითხებს, როგორიცაა: პროფესიული განათლების თავისებურებები, პედაგოგიკა, მოტივაციისა და ეფექტური კომუნიკაციის მნიშვნელობა და სხვ. მეორე დღე შეეხებოდა სწავლა-სწავლების მეთოდებს პროფესიულ განათლებაში. სწავლება მიზნად ისახვდა პროფესიული განათლების მასწავლებლების პედაგოგიური უნარების განვითარებასა და სასწავლო პროცესის ხარისხის გაუმჯობესებას.

გარემოს დაცვისა და სოფლის მეურნეობის სამინისტრომ „მწვანე და აგროსტიპენდიების“ პროგრამის ფარგლებში, ბსუ-ს პროფესიული საგანმანათლებლო პროგრამის „მებაღეობა" პროფესიულ სტუდენტ შუქრი კუტუბიძეს სტიპენდია გადასცა. საქართველოს 6 უნივერსიტეტიდან და 14 პროფესიული სასწავლებლიდან აგრარული მიმართულების 32 სტუდენტი 500, 1000 და 1500-ლარიანი სტიპენდიებით დაჯილდოვდა. „მწვანე და აგროსტიპენდიების“ პროგრამა, რომელსაც გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრი ახორციელებს, ხელს შეუწყობს გარემოსდაცვითი და აგრარული დეფიციტური პროფესიების პოპულარიზაციასა და წარჩინებული სტუდენტების წახალისებას. პროგრამის ფარგლებში, სტუდენტებს შესაძლებლობა აქვთ, მიიღონ პრაქტიკული გამოცდილება შესაბამის უწყებებში.

ქალთა მიმართ ძალადობის წინააღმდეგ 16-დღიანი კამპანიის ფარგლებში, ბათუმის შოთა რუსთველის სახელმწიფო უნივერსიტეტის პროფესიული სტუდენტებისა და სამოქალაქო განათლების მასწავლებლის ირაკლი მიქელაძის ორგანიზებით, ხორციელდება პროექტი „ქალთა მიმართ ძალადობა", რომლის მიზანია ქალთა უფლებებისა შესახებ ცნობიერების ამაღლება. პროექტის ფარგლებში, ბსუ-ს პროფესიული სტუდენტებისთვის შეხვედრა გამართეს სახალხო დამცველის ბათუმის ოფისის წარმომადგენელმა გიორგი ჩარკვიანმა და არასამთავრობო ორგანიზაცია „მწვანე სექტორის" პროექტების მენეჯერმა ციალა ქათამიძემ.

ბათუმის შოთა რუსთაველის სახელმწიფო უნივერსიტეტის პროფესიული პროგრამების მართვისა და უწყვეტი განათლების ცენტრს ბათუმის N1 საჯარო სკოლის მე-9 კლასის მოსწავლეები ეწვივნენ. ცენტრის პერსონალმა მოსწავლეებს ბსუ-ს პროფესიული საგანმანათლებლო პროგრამები, პროფესიული განათლების მიღების შესაძლებლობები და უპირატესობები გააცნო. შეხვედრის დასრულების შემდეგ, მოსწავლეებმა პროფესიული პროგრამების მართვისა და უწყვეტი განათლების ცენტრის მატერიალურ-ტექნიკური ბაზა დაათვალიერეს.