პროფესიული უნარების სააგენტოსა და UNDP-ს შორის გაფორმებული ხელშეკრულებით გათვალისწინებული პროექტის „პროფესიული განათლების სისტემის მოდერნიზება საქართველოს სოფლის მეურნეობაში” ფარგლებში, კოლეჯ „ოპიზარში” აგრარული მიმართულების პროფესიული განათლების მასწავლებლებთან სამუშაო შეხვედრა გაიმართა. შეხვედრას ესწრებოდნენ ბსუ-ს პროფესიული პროგრამების მართვისა და უწყვეტი განათლების ცენტრის სასწავლო პროცესის მართვის მენეჯერი მამუკა გოგელია და პროფესიული განათლების მასწავლებელი ლაშა ზოიძე.

29-30 მაისს თანამშრომლობითი ვიზიტი გაიმართა საქართველოს ბიზნესის აკადემია (SBA)-ში თემაზე - „პროფესიული საგანმანათლებლო დაწესებულების შიდა ხარისხის უზრუნველყოფის სისტემის ფუნქციონირება“. ვიზიტში ჩართულები იყვნენ ბსუ-ს პროფესიული პროგრამების მართვისა და უწყვეტი განათლების ცენტრის ხარისხის მართვის მენეჯერი ჯილდა აბაშიძე და ხარისხის კოორდინატორი ნინო გოგმაჩაძე. მონაწილეებმა განიხილეს მნიშვნელოვანი საკითხები და კიდევ ერთხელ გამოიკვეთა პროფესიულ საგანმანათლებლო დაწესებულებებს შორის თანამშრომლობის აუცილებლობა.

ბათუმის შოთა რუსთაველის სახელმწიფო უნივერსიტეტი აცხადებს მიღებას პროფესიულ საგანმანათლებლო პროგრამებზე: საექთნო განათლება (V დონე), აღმზრდელი (V დონე), საფინანსო სერვისები (III დონე), ბუღალტრული აღრიცხვა (V დონე), მებაღეობა (IV დონე) და საბიბლიოთეკო საქმე (IV დონე). პროფესიულ საგანმანათლებლო პროგრამებზე სწავლა მთლიანად ფინანსდება სახელმწიფოს მიერ. პროფესიულ საგანმანათლებლო პროგრამებზე სწავლის მსურველთა (აპლიკანტთა) რეგისტრაცია განხორციელდება 2024 წლის 22 აპრილიდან 16 მაისის ჩათვლით, ელექტრონულად, შემდეგ მისამართზე - http://vet.emis.ge ან/და ბსუ-ს პროფესიული პროგრამების მართვისა და უწყვეტი განათლების ცენტრის მხარდაჭერით ( ცხელი ხაზი: 557 36 40 44; 591 95 76 62).

ბათუმის შოთა რუსთაველის სახელმწიფო უნივერსიტეტი გთავაზობთ ევროკომისიის მიერ დაფინანსებული „ერაზმუს+"-ის გაცვლითი პროგრამის კონკურსში მონაწილეობის მიღებას 2024 – 2025 სასწავლო წლის შემოდგომის სემესტრისთვის მობილობის განსახორციელებლად თესალონიკის არისტოტელეს უნივერსიტეტში (საბერძნეთი) https://www.auth.gr/en/

ბათუმის შოთა რუსთაველის სახელმწიფო უნივერსიტეტის პროფესიული პროგრამების მართვისა და უწყვეტი განათლების ცენტრს ბათუმის N25, N9 და სოფელ ხალას საჯარო სკოლის მოსწავლეები ეწვივნენ. ცენტრის პერსონალმა მოსწავლეებს ბსუ-ს პროფესიული საგანმანათლებლო პროგრამები, პროფესიული განათლების მიღების შესაძლებლობები და უპირატესობები გააცნო. მოსწავლეებს უნივერსიტეტის სტუდენტური ცხოვრებისა და გამოცდილების შესახებ კი წარმატებული კურსდამთავრებული ანა მესხიძე ესაუბრა. შეხვედრის დასრულების შემდეგ, მოსწავლეებმა პროფესიული პროგრამების მართვისა და უწყვეტი განათლების ცენტრის მატერიალურ-ტექნიკური ბაზა დაათვალიერეს.