გამოცხადდა კონკურსი პოსტ-სადოქტორო მობილობის გრანტის მოსაპოვებლად. პოსტ-სადოქტორო მობილობის პროგრამა საქართველოს ფრანგული ინსტიტუტისა (IFG) და შოთა რუსთაველის საქართველოს ეროვნული სამეცნიერო ფონდის თანადაფინანსებით ხორციელდება. პროგრამის ფარგლებში, ყოველწლიურად, ორ ქართველ მკვლევარს საშუალება აქვს მოიპოვოს დაფინანსება საფრანგეთში ერთთვიანი სამეცნიერო სტაჟირების განსახორციელებლად.

აჭარის ა.რ. განათლების, კულტურისა და სპორტის სამინისტრო „უმაღლესი განათლების ხელშეწყობის“ ქვეპროგრამის ფარგლებშიც აცხადებს კონკურსს. პროგრამა ითვალისწინებს სამეცნიერო ღონისძიებებში მონაწილეობას, უცხოენოვანი სამეცნიერო სახელმძღვანელოს, ლიტერატურის თარგმნა/ბეჭდვას, სეზონური სკოლისა და კონფერენციის ორგანიზება. ქვეპროგრამის ფარგლებში განაცხადების მიღების ვადად განისაზღვრა შემდეგი თარიღები.

შოთა რუსთაველის საქართველოს ეროვნული სამეცნიერო ფონდი აცხადებს კონკურსს შემდეგი საგრანტო პროექტების მოსაპოვებლად: კონკურსი ფუნდამენტური კვლევებისათვის, 2022 წლის საქართველოს საზღვრისპირა რეგიონების შემსწავლელი სამეცნიერო კვლევითი პროექტების ხელშეწყობისა და საერთაშორისო სამეცნიერო ღონისძიებების საგრანტო კონკურსი, 2022 წლის საქართველოს ოკუპირებული ტერიტორიების შემსწავლელი სამეცნიერო კვლევითი პროექტების ხელშეწყობისა და საერთაშორისო სამეცნიერო ღონისძიებების საგრანტო კონკურსი და 2022 წლის მეცნიერების პოპულარიზაციისათვის მიზნობრივი საგრანტო კონკურსი.

ტაილანდის სამეფოში არსებული „CMKL University”, თავაზობს ინჟინერიის მიმართულების სტუდენტებს სასტიპენდიო პროგრამებს. პროგრამის სასწავლო გეგმა ითვალისწინებს 3-წლიან სწავლებას, წვდომას საუკეთესო კლასის მოწყობილობებთან, გაცვლით პროგრამას კარნეგი მელონის უნივერსიტეტში. განაცხადის შეტანის ბოლო ვადაა არის 8 აპრილი. გასაუბრება ჩატარდება 23 აპრილს, სტუდენტები შეტყობინებას მიიღებენ არაუგვიანეს 2 მაისისა. ჩარიცხვის შესახებ ინფორმაცია ცნობილი გახდება 9 მაისს.

სლოვაკეთის მეცნიერებათა აკადემია აცხადებს საერთაშორისო საგრანტო კონკურსს იმ მკვლევრებისთვის, რომლებსაც გააჩნიათ სლოვაკეთთან დაკავშირებული განსაკუთრებული სამეცნიერო ნამუშევარი. სლოვაკეთის მეცნიერებათა აკადემიის 2022 წლის საერთაშორისო დაჯილდოება მოხდება საბუნებისმეტყველო მეცნიერების დარგში. განაცხადების წარდგენის ბოლო ვადაა 2022 წლის 31 მარტი.