გამოცხადდა Horizon Europe-ს Programme MSCA4Ukraine-ს (მარი სკლადოვსკა კიურის მხარდამჭერი აქტივობა უკრაინისთვის) მონაწილეთა შესარჩევი კონკურსი. პროექტის მიზანია უკრაინელ მკვლევართა ხელშეწყობა, მათი კარიერული განვითარების შესაძლებლობების უზრუნველყოფა, ევროკავშირსა და უკრაინაში კვლევებისა და ინოვაციების კოორდინაცია და რეინტეგრირება. MSCA4Ukraine სტიპენდიები გაიცემა კვლევისა და ინოვაციების ყველა სფეროსთვის.

გამოცხადდა Horizon Europe-ის MSCA - პერსონალის გაცვლითი პროექტი 2022-ის მონაწილეთა შესარჩევი კონკურსი. პროექტის მიზანია კვლევითი ხარისხის ამაღლება, ცოდნის გაღრმავება და ინოვაციური იდეებისთვის ხელშეწყობა, ასევე საერთაშორისო კავშირების დამყარება. კონკურსში მონაწილეობა შეუძლია როგორც სამეცნიერო პერსონალს, ასევე ორგანიზაციებს. პროექტის ფარგლებში შესაძლებელია კონფერენციებისა და ვორქშოფების ორგანიზება, ასევე მობილობა ევროპულ სამეცნიერო სივრცეებში.

2022 წლის 16 სექტემბერს, 16:00 საათზე, გერმანიის აკადემიური გაცვლის სამსახურის საქართველოს რეგიონული ოფისი DAAD-ი გიწვევთ ევროკავშირის მიერ დაფინანსებული „საქართველოს მკვლევართა მობილობის პროგრამის“ ფარგლებში გამოცხადებული საგრანტო კონკურსის ონლაინ საკონსულტაციო შეხვედრაზე. საკონსულტაციო შეხვედრაზე გაეცნობით საგრანტო კონკურსის პირობებს, რომელიც ითვალისწინებს საქართველოს მკვლევართა 3-თვიანი კვლევითი ვიზიტის 15 000 ევროთი დაფინანსებას ევროკავშირის წევრ ქვეყნებში საქართველოს მეცნიერების, ტექნოლოგიებისა და ინოვაციების სექტორის ინტერნაციონალიზაციის და საერთაშორისო კავშირების დამყარების ხელშეწყობის მიზნით.

2022 წლის 16-18 ივლისს კანადაში, ქალაქ ოტავაში იმართება XII საერთაშორისო სამეცნიერო-პრაქტიკული ონლაინ კონფერენცია „მდგრადი განვითარების გლობალური და რეგიონალური ასპექტები“ ყველა მიმართულების მკვლევრებისთვის. მიიღება 2-დან 10 გვერდამდე ნამუშევრები (რეფერატები/სტატიები). კონფერენციის მონაწილეთა აბსტრაქტები და სტატიები გამოქვეყნდება კრებულში Methuen Publishing House-ის მიერ UDC-ს, საავტორო უფლებებისა და ISBN 978-0-458-20903-3 მინიჭებით (ოტავა, კანადა). საბუთები მიიღება 6 ივლისის ჩათვლით ელფოსტაზე: info@interconf.top; canada@interconf.top . პასუხის მიღების შემდეგ მონაწილემ უნდა გადაიხადოს რეგისტრაციის საფასური 10 ევროს ოდენობით და ამის შესახებ აცნობოს ორგანიზატორებს.

დამატებითი ინფორმაციის მისაღებად იხილეთ თანდართული ფაილი.

2 აგვისტოს, ეროვნული თავდაცვის აკადემიაში გაიმართება სამეცნიერო - პრაქტიკული კონფერენცია „კომუნიკაციის როლი მართვის პროცესში და მისი ფსიქოლოგიური ასპექტები“. კონფერენციაში მონაწილეობა შეუძლიათ დაინტერესებულ აკადემიურ პერსონალს, დოქტორანტებს, ახალგაზრდა მეცნიერებს და დარგის სპეციალისტებს. სამეცნიერო - პრაქტიკული კონფერენცია მიზნად ისახავს კომუნიკაციის როლის განხილვას მართვის პროცესში, ფსიქოლოგიური ასპექტების გაანალიზებას და შეფასებას, განხორციელებული კვლევების შედეგების გაზიარებას.