ევროკომისიის მიერ დაფინანსებული ერთობლივი სამაგისტრო პროგრამების (Erasmus Mundus JMD) წარდგენა გაიმართა ბათუმის შოთა რუსთაველის სახელმწიფო უნივერსიტეტში. საქართველოს ერაზმუს+-ის ოფისის წარმომადგენლებმა თათა ლორთქიფანიძემ და ნინო ურუშაძემ სხვადასხვა ფაკულტეტის სტუდენტებს ერთობლივ სამაგისტრო პროგრამებზე სწავლებისა და კონკურსში მონაწილეობის პირობები გააცნეს. ევროკაშირი ერაზმუს+-ის პროგრამის ფარგლებში მიღებას აცხადებს 123 ერთობლივ სამაგისტრო საგანმანათლებლო პროგრამაზე, რომლის განხორციელებაშიც ჩართულია ევროპის სხვადასხვა ქვეყნის უნივერსიტეტი.

შვედეთის მთავრობა აცხადებს კონკურსს სტიპენდიებზე (VISBY scholarships) მაგისტრატურისა და დოქტორანტურის სტუდენტებისთვის, პოსტდოქტორანტებისთვის (უფროსი მკვლევარებისთვის). აპლიკაციის მისაღებად დეკემბერ-თებერვალში იხილეთ შემდეგი მისამართი.

ევროპის საბჭო აცხადებს საგრანტო კონკურსს უმაღლესი საგანმანათლებლო დაწესებულებებისათვის. პროექტების წარდგენა შეუძლიათ უნივერსიტეტებს თბილისიდან, ქვემო ქართლიდან, სამცხე-ჯავახეთიდან და აჭარიდან. თითოეული პროექტის მაქსიმალური ბიუჯეტია 4 000 ევრო. განცხადებების შემოტანის ბოლო ვადაა 17 ოქტომბერი. საგრანტო კონკურსის მიზანია საზოგადოებრივი ცნობიერების ამაღლება ადამიანის უფლებების საკითხებზე.

რუჟომბეროკის კათოლიკური უნივერსიტეტის (სლოვაკეთი) განათლების ფაკულტეტი აცხადებს გაცვლით პროგრამებს მაგისტრატურისა და დოქტორანტურის სტუდენტებისთვის, აკადემიური პერსონალისა და მკვლევარებისთვის. კონკურსში მონაწილეობის მსურველმა უნდა წარადგინოს მოწვევის წერილი სლოვაკეთის უნივერსიტეტიდან, რისთვისაც უნდა მიმართოთ ვიცე დეკანს, პროფესორ მარკეტა რუსნაკოვას.

04-14 ოქტომბერს, 18:00 საათამდე, ბათუმის შოთა რუსთაველის სახელმწიფო უნივერსიტეტის კანცელარიაში იწარმოებს განცხადებების მიღება ერაზმუს+-ის გაცვლითი პროგრამის გამოცდაში მონაწილეობის მსურველთათვის (ინგლისური/გერმანული/ფრანგული ენები; B1.2/B2 დონე). განცხადებაში სტუდენტებმა უნდა მიუთითონ: ფაკულტეტი, სპეციალობა, საფეხური და სასწავლო წელი/სემესტრი, ტელეფონის ნომერი, ელფოსტა, უცხო ენა და შესაბამისი დონე. პირადობის დამადასტურებელი დოკუმენტის წარმოდგენა აუცილებელია.

ბათუმის შოთა რუსთაველის სახელმწიფო უნივერსიტეტში ბაკალავრიატის, მაგისტრატურის, დოქტორანტურის სტუდენტებისა და პროფესორ-მასწავლებლებისთვის საინფორმაციო შეხვედრა გაიმართა ERASMUS+ის გაცვლითი პროგრამის შესახებ. ბსუ-ს სტრატეგიული განვითარებისა და საგარეო ურთიერთობათა დეპარტამენტის უფროსის მოადგილემ ნანა ყურშუბაძემ გაცვლით პროგრამებში მონაწილეობის მსურველებს უცხოეთის უმაღლეს საგანმანათლებლო დაწესებულებებში სწავლების პირობები გააცნო და კონკურსში მონაწილეობისათვის საჭირო დოკუმენტაციის, პარტნიორი უნივერსიტეტების, ვადებისა და სტიპენდიების შესახებ მიაწოდა ინფორმაცია.

კანტის აკადემია აცხადებს კონკურსს სპიკერის პოზიციაზე. კანტის აკადემია არის არაფორმალური განათლების ლიდერი პლატფორმა საქართველოში, რომელიც ახალგაზრდებს საშუალებას აძლევს, თანამედროვე სტანდარტებზე დაფუძნებული ოცამდე საგანმანათლებლო პროექტის საშუალებით განივითარონ პიროვნული და პროფესიული უნარ-ჩვევები.

ვიტაუტას მაგნუს უნივერსიტეტის სოფლის მეურნეობის აკადემია, (კაუნასი, ლიეტუვა), 26-28 სექტემბერს გიწვევთ 9-ე საერთაშორისო სამეცნიერო კონფერენციაზე „სოფლის განვითარება 2019: კვლევა და ინოვაცია ბიოეკონომიკისთვის“.