ჟენევის უნივერსიტეტი ჟენევის გაეროს ოფისთან (UNOG) თანამშრომლობით 2024-2025 აკადემიური სასწავლო წლისთვის გთავაზობთ „ევროპული და საერთაშორისო მმართველობის გაფართოებული სწავლების“ პროგრამაში მონაწილეობას. პროგრამა მიზნად ისახავს მონაწილეებს გადასცეს ცოდნა ევროპული და საერთაშორისო მმართველობის შესახებ. პროგრამა მოიცავს 10 თემატურ და მეთოდოლოგიურ მოდულს. მონაწილეების მსურველებს შესაძლებლობა აქვთ მიიღონ ნაწილობრივი სტიპენდია. დეტალური ინფორმაცია იხილეთ დანართი 1-ში.

„ერაზმუს მუნდუსის“ ერთობლივი სამაგისტრო პროგრამა „WOP Psychology“ აცხადებს კონკურსს სტიპენდიის მოსაპოვებლად. პროგრამა ორგანიზებულია საერთაშორისო WOP-P-ის კონსორციუმის მიერ. კონკურსში მონაწილეობის მისაღებად აუცილებელია აპლიკანტს ჰქონდეს წინარე განათლება ფსიქოლოგიაში ან/და იყოს ფსიქოლოგიის დამამთავრებელი კურსის სტუდენტი. აპლიკაციის გაგზავნის ბოლო ვადაა 2024 წლის 7 იანვარი. დეტალური ინფორმაციისთვის ეწვიეთ ბმულს: https://www.erasmuswop.org/how-to-apply-to-wop-p-master/ ან იხილეთ დანართი 1.

ბათუმის შოთა რუსთაველის სახელმწიფო უნივერსიტეტი ბსუ-ს სტუდენტებისა და პერსონალისთვის აცხადებს ევროკომისიის მიერ დაფინანსებული „ერაზმუს+“-ის გაცვლითი პროგრამის კონკურსს ევროპის სხვადსხვა უნივერისტეტში მობილობის განსახორციელებლად 2023-2024 სასწავლო წლის გაზაფხულის სემესტრისთვის (ინფორმაცია იხილეთ დანართებში 1, 3, 4).

ბათუმის შოთა რუსთაველის სახელმწიფო უნივერსიტეტი ბსუ-ს საბაკალავრო საგანმანათლებლო პროგრამების სტუდენტებისთვის აცხადებს აჭარის ავტონომიური რესპუბლიკის განათლების, კულტურისა და სპორტის სამინისტროს მიერ დაფინანსებული გაცვლითი პროგრამის კონკურსს ევროპის უნივერსიტეტებში მობილობის განხორციელების მიზნით 2023-2024 სასწავლო წლის გაზაფხულის სემესტრისთვის. უნივერსიტეტების და სასწავლო კურსების ჩამონათვალი იხილეთ (დანართში 1, დანართში 3). გრანტების რაოდენობა - 8.

ბათუმის შოთა რუსთაველის სახელმწიფო უნივერსიტეტში გაცვლითი პროგრამების წარდგენა გაიმართა. ბსუ-ს სტრატეგიული განვითარებისა და საგარეო ურთიერთობათა დეპარტამენტის უფროსმა მარინე გიორგაძემ, დეპარტამენტის უფროსის მოადგილემ, „ერაზმუს+“-ის კოორდინატორმა ნანა ყურშუბაძემ და მთავარმა სპეციალისტმა ნუნუ ჯაფარიძემ სხვადასხვა ფაკულტეტის საბაკალავრო, სამაგისტრო და სადოქტორო პროგრამების სტუდენტებს 2023-2024 სასწავლო წლისთვის გამოცხადებული გაცვლითი პროგრამები გააცნეს. ასევე შედგა აჭარის ა.რ. განათლების სამინისტროს გაცვლითი პროგრამები. ახალგაზრდებს პროგრამებში მონაწილეობის წესები აჭარის ა.რ. განათლების კულტურისა და სპორტის სამინისტროს პროფესიული და უმაღლესი განათლების განყოფილების უფროსმა მარინა პაქსაძემ წარუდგინა.

ბათუმის შოთა რუსთველის სახელმწიფო უნივერსიტეტს უკრაინელი სტუდენტები ეწვივნენ. პარიზში მოქმედი არასამთავრობო ორგნიზაცია „უკრაინა ევროპაში“ რეგულარულად აწყობს სასწავლო ტურებს ევროპაში უკრაინელი სტუდენტებისთვის. ამჯერად კიევის ტარას შევჩენკოს უნივერსიტეტის 15 სტუდენტი, მათი ლექტორები და ორგანიზაციის ხელმძღვანელი ვოლოდიმერ პოსელსკი საქართველოს სტუმრობდნენ, მათი ვიზიტი ბათუმის სახელმწიფო უნივერსიტეტში გაცნობითი ხასიათის იყო. სტუმრებს შეხვდნენ უნივერსიტეტის რექტორის მოადგილე ანზორ ბერიძე და ბსუ-ს სტრატეგიული განვითარებისა და საგარეო ურთიერთობათა დეპარტამენტის უფროსი მარინე გიორგაძე, ასევე ნანა ყურშუბაძე, ნუნუ ჯაფარიძე და ბესო ნარაკიძე. უკრაინელ სტუდენტებსა და პროფესორებს გააცნეს ბსუ-ის ისტორია, ფაკულტეტები, საგანმანათლებლო პროგრამები, დაათვალიერებინეს კაბინეტ-ლაბორატორიები, ინფრასტრუქტურა, უპასუხებს მათ შეკითხვებს, დასახეს თანამშრომლობის გეგმები.

2-6 ოქტომბერს „ერაზმუს+“-ის აკადემიური პერსონალის გაცვლითი პროგრამის ფარგლებში, ბათუმის შოთა რუსთაველის სახელმწიფო უნივერსიტეტში ვროცლავის უნივერსიტეტის ასისტენტ პროფესორი დოროტა დრუზილოვსკა იმყოფებოდა. ასისტენტ პროფესორმა დოროტა დრუზილოვსკამ ბსუ-ს ჰუმანიტარულ მეცნიერებათა ფაკულტეტის, სლავური ფილოლოგიის საბაკალავრო საგანმანათლებლო პროგრამის სტუდენტებისათვის ჩაატარა ლექციები.

ბათუმის შოთა რუსთაველის სახელმწიფო უნივერსიტეტს ეწვია ჩინეთის სჩუანის პროვინციის დელეგაცია განათლების დეპარტამენტის გენერალური ინსპექტორის, ფუ მინგის, სამხრეთ-დასავლეთის ნავთობის უნივერსიტეტის ნავთობის ინჟინერიის ფაკულტეტის დეკანის, ჭანგ ჭის და ამავე უნივერსიტეტის საერთაშორისო ურთიერთობათა ხელმძღვანელის, დაი ლეის შემადგენლობით. დელეგაციის წევრები ბსუ-ს რექტორის მოადგილეს, თამარ სირაძეს, სტრატეგიული განვითარებისა და საგარეო ურთიერთობათა დეპარტამენტის უფროსს, პროფესორ მარინე გიორგაძეს, ტექნოლოგიური ფაკულტეტის დეკანს, პროფესორ გაიოზ ფარცხალძესა და ბსუ-ს ჩინური ენის ლექტორს, დავით ანდღულაძეს შეხვდნენ. სტუმრებმა შეხვედრაზე ისაუბრეს ბათუმის შოთა რუსთველის სახელმწიფო უნივერსიტეტთან თანამშრომლობის პერსპექტივებზე და დაიგეგმა მემორანდუმის გაფორმება.