2023 წლის 6-7 დეკემბერს უკრაინის განათლებისა და მეცნიერების სამინისტროსა და ლუგანსკის ტარას შევჩენკოს ეროვნული უნივერისტეტის ორგანიზებით, ბათუმის შოთა რუსთაველის სახელმწიფო უნივერსიტეტთან თანამშრომლობის ფარგლებში გაიმართება IV საერთაშორისო სამეცნიერო და პრაქტიკული კონფერენცია `საბუნებისმეტყველო მეცნიერებები: პროექტები, კვლევები, პერსპექტივები“. კონფერენციების მასალების მიიღება იწარმოებს ელექტრონულად შემდეგ ელფოსტაზე conf.fpn@gmail.com

ცხადდება ევროკომისიის მიერ დაფინანსებული „ერაზმუს+“-ის გაცვლითი პროგრამის კონკურს ბათუმის შოთა რუსთაველის სახელმწიფო უნივერსიტეტის ბაკალავრიატისა და მაგისტრატურის საფეხურის სტუდენტებისთვის მიუნსტერის უნივერსიტეტში https://www.uni-muenster.de/en / (გერმანია).

მაქს ვებერის ფონდის საქართველოს ფილიალი იწყებს განცხადებების მიღებას ერთ და ორთვიან სტიპენდიაზე 2024 წლის 1 მარტიდან 31 ივლისის ჩათვლით გერმანიის არქივებში, ბიბლიოთეკებსა და კვლევით ინსტიტუტებში კვლევის განხორციელების მიზნით. 2023 წელს, მაქს ვებერის ფონდმა დააარსა ახალი ფილიალი საქართველოში, რათა ხელი შეუწყოს სამხრეთ კავკასიისა და გერმანიას შორის ისტორიის და მასთან დაკავშირებული დისციპლინების განვითარებისთვის და თანამშრომლობის გაღრმავების მიზნით. აპლიკაციის გაგზავნის ბოლო ვადა: 2024 წლის 31 იანვარი.

ბათუმის შოთა რუსთაველის სახელმწიფო უნივერსიტეტი ბსუ-ს სტუდენტებისთვის აცხადებს ევროკომისიის მიერ დაფინანსებული „ერაზმუს+“-ის გაცვლითი პროგრამის კონკურსს ჰელენიკის ხმელთაშუაზღვის უნივერსიტეტში (საბერძნეთი), მობილობის განსახორციელებლად 2023-2024 სასწავლო წლის გაზაფხულის სემესტრისთვის (ინფორმაცია იხილეთ დანართში 1).

2-3 ნოემბერს, თბილისში ინტერნაციონალიზაციის სტრატეგიის საკითხებზე სამხრეთ კავკასიის უნივერსიტეტებში გერმანიის აკადემიური გაცვლის სამსახურის (DAAD), გერმანიის რექტორთა კონფერენციისა (HRK) და EU4Dialogue-ის ორგანიზებით სემინარი ჩატარდა. სემინარს ესწრებოდნენ საქართველოს, სომხეთისა და აზერბაიჯანის 15 უნივერსიტეტის წარმომადგენლები. ცნობილმა ექსპერტებმა გერმანიიდან, საფრანგეთიდან, იტალიიდან, უნგრეთიდან საინტერესო და აქტუალური მოხსენებები წაიკითხეს სწავლა/სწავლების, კვლევის პროცესების ინტერნაციონალიზაციის, ამ მიმართულებით სტრატეგიული დაგეგმვის შემუშავების პრინციპების, ენის პოლიტიკის შესახებ. მოხსენებებს ცვლიდა საინტერესო დისკუსიები და ინტერაქტიული სესიები. სემინარს ესწრებოდა ბსუ-ს სტრატეგიული განვითარებისა და საერთაშორისო ურთიერთობების დეპარტამენტის უფროსი, პროფესორი მარინე გიორგაძე.

ბათუმის შოთა რუსთაველის სახელმწიფო უნივერსიტეტში ფრანგული ინსტიტუტის საგანმანათლებლო პროგრამების წარდგენა გაიმართა. საქართველოს ფრანგული ინსტიტუტის წარმომადგენელმა საუნივერსიტეტო მიმართულებით და კამპუს ფრანსის ხელმძღვანელმა ნათია მსახალაძემ სხვადასხვა ფაკულტეტის სტუდენტებს საფრანგეთის უმაღლესი განათლების სისტემა, გაცვლითი პროგრამები, სტიპენდიები და მასში მონაწილეობის პირობები გააცნო. შეხვედრა კითხვა-პასუხის რეჟიმში წარიმართა და ნათია მსხალაძემ სტუდენტების შეკითხვებს უპასუხა.

ბრიუსელის თავისუფალი უნივერსიტეტი (Université libre de Bruxelles) კოორდინაციას უწევს „ერაზმუს მუნდუსის“ ერთობლივ სამაგისტრო პროგრამას ტროპიკულ ბიომრავალფეროვნებასა და ეკოსისტემებში - TROPIMUNDO, რომლისთვისაც ევროკომისია სთავაზობს გარკვეული რაოდენობის სტიპენდიებს სრული დაფინანსებით, ევროკავშირის და არაევროკავშირის ქვეყნების სტუდენტებისათვის. სტიპენდიები განსაკუთრებით საინტერესო არის ბიოლოგიის მიმართულების სტუდენტებისთვის.TROPIMUNDO არის პირველი საერთაშორისო სამაგისტრო პროგრამა ტროპიკულ ბიომრავალფეროვნებასა და ეკოსისტემებში, რაც საშუალებას აძლევს სტუდენტებს, კურსის მეორე სემესტრში ჩაატარონ საველე სამუშაოები ამაზონის ტროპიკულ ტყეებში, კარიბის და ინდოეთის ოკეანის ტროპიკულ კუნძულებზე, ცენტრალურ-აფრიკის ტროპიკულ ტყეებში, აღმოსავლეთ აფრიკის დიდ ტბებში და ა.შ.

ბსუ-ში უნივერსიტეტის სტრატეგიული განვითარებისა და საგარეო ურთიერთობათა დეპარტამენტის ინიციატივით ჩატარდა საერთაშორისო სტუდენტების მიღების დღე (Welcome Party). მიმდინარე სემესტრში ბსუ-ს სხვადასხვა ფაკულტეტზე, „ერაზმუს+“-ის გაცვლითი პროგრამებისა და თანამშრომლობის მემორანდუმების საფუძველზე, 14 სტუდენტი აგრძელებს სწავლას საფრანგეთიდან, პოლონეთიდან, თურქმენეთიდან, ყაზახეთიდან და უკრაინიდან.