1 მარტს, 14:00 საათზე, ბათუმის შოთა რუსთაველის სახელმწიფო უნივერსიტეტში (ტექნოლოგიური ფაკულტეტი, თამარის დასახლება, გრიშაშვილის ქ. №5) თსუ-ს პროფესორი ბესიკ კალანდაძე წაიკითხავს საჯარო ლექციას თემაზე: „როგორ დავამზადოთ კომპოსტი?“ საჯარო ლექციაზე წარმოდგენილი იქნება ორგანული ნარჩენების მარტივი და საჭირო მეთოდი - კომპოსტირება. ღონისძიება სტუდენტური კონკურსის „ეფექტიანი ცვლილებების“ გამარჯვებული პროექტის ფარგლებში ჩატარდება.
24 თებერვალს, 18:00 საათზე, ბათუმის შოთა რუსთაველის სახელმწიფო უნივერსიტეტში გაიმართება არსენ გვენეტაძის საჯარო ლექცია თემაზე: „შეუძლებელი არაფერია“.
არსენ გვენეტაძე გახლავთ ექიმი გინეკოლოგი, რეპროდუქტოლოგი, თსუ-ს პროფესორი, ზურაბ საბახტარაშვილის რეპროდუქციული კლინიკის ხელმძღვანელი. აგრეთვე, ეწევა საქმიანობას საგანმანათლებლო-კულტურულ სფეროში, მისი ფერწერული ტილოები გამოიფინა ნიუ იორკში, მილანში, კანში, კაუნასში, ბერლინში, ოდესასა და საქართველოს გალერეებში.
საჯარო ლექცია პიარისა და მარკეტინგული კომუნიკაციების კომპანია „ჯეპრას“ მიერ ტარდება.
„აჭარის ავტონომიური რესპუბლიკის კონსტიტუციაში ცვლილების შეტანის შესახებ“ აჭარის ავტონომიური რესპუბლიკის კონსტიტუციური კანონის პროექტის გამოქვეყნებისა და მისი საჯარო განხილვის საორგანიზაციო კომისია 29 იანვარს, 15:00 საათზე, ბათუმის შოთა რუსთაველის სახელმწიფო უნივერსიტეტის სააქტო დარბაზში საკონსტიტუციო ცვლილებებთან დაკავშირებით უნივერსიტეტის სტუდენტებსა და პროფესორ-მასწავლებლებს შეხვდება.
26 იანვარს, 12:00 საათზე, ბათუმის შოთა რუსთველის სახელმწიფო უნივერსიტეტში, 21-ე აუდიტორიაში, განათლების საერთაშორისო ცენტრის წარმომადგენლები უნგრულ და ფრანგულ სასტიპენდიო პროგრამებთან დაკავშირებით საინფორმაციო შეხვედრას გამართავენ. ასევე, შეხვედრაზე საუბარი შედგება ცენტრის სხვა სასტიპენდიო პროგრამებზე.
