კონფერენციები

14-15 მაისს, ბათუმის შოთა რუსთაველის სახელმწიფო უნივერსიტეტის აგრარული ექსტენციის ცენტრის ბაზაზე, აშშ-ის სოფლის მეურნეობის დეპარტამენტის (USDA) მხარდაჭერითა და „მომავლის ფერმერის“ ორგანიზებით გაიმართება სტუდენტთა აგრარული სამეცნიერო კონფერენცია „კლიმატგონივრული სოფლის მეურნეობა და აგრარული მეცნიერებები“. კონფერენციის სამეცნიერო მიმართულებებია: კლიმატგონივრული სოფლის მეურნეობა და მომავლის ფერმები, მცენარეთა ინტეგრირებული დაცვა კლიმატით შეცვლილ ლანდშაფტში და კლიმატთან ადაპტირებული მეცხოველეობა/მეფუტკრეობა/აკვაკულტურა.

კორნელი კეკელიძის სახელობის საქართველოს ხელნაწერთა ეროვნულმა ცენტრმა, სოხუმის სახელმწიფო უნივერსიტეტის თანამონაწილეობით, მესამედ მოიპოვა შოთა რუსთაველის ეროვნული სამეცნიერო ფონდის “საქართველოს ოკუპირებული ტერიტორიების შემსწავლელი სამეცნიერო კვლევითი პროექტების ხელშეწყობისა და საერთაშორისო სამეცნიერო ღონისძიებების" გრანტი და 2024 წლის 24-30 მაისს უმასპინძლებს მე-3 საერთაშორისო საგაზაფხულო სკოლას „აფხაზეთი: უძველესი დროიდან დღემდე (ისტორიულ-კულტუროლოგიური ასპექტები)“.

2023 წლის 16 დეკემბერს, ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის ორგანიზებით, სკოლისა და უნივერსიტეტის თანამშრომლობის კლუბის „სკოლა-უნივერსიტეტი“ ფარგლებში, გაიმართება მეათე სამეცნიერო კონფერენცია თემაზე: „სასკოლო განათლება -თანამედროვე გამოწვევები და პერსპექტივები“. კონფერენციის მიზანია უნივერსიტეტისა და სკოლის თანამშრომლობის ხელშეწყობა, მოსწავლეებსა და სტუდენტებში შემოქმედებითი, თანამშრომლობითი და კომუნიკაციური უნარ-ჩვევების განვითარება, კრიტიკული აზროვნების ჩამოყალიბება და ნიჭიერი ახალგაზრდების გამოვლენა.

2024 წლის 27 აპრილს, ბათუმის შოთ რუსთველის სახელმწიფო უნივერსიტეტში გაიმართება მოსწავლეთა მეშვიდე სამეცნიერო კონფერენცია „ახლო აღმოსავლეთი და საქართველო“. კონფერეცნია აჭარის ა.რ. განათლების, კულტურისა და სპორტის სამინისტროს მხარდაჭერით იმართება და მასში მონაწილეობა შეუძლიათ აჭარის საჯარო და კერძო სკოლის მე-11 და მე-12 კლასის მოსწავლეებს. სესიაზე წარსადგენი ნაშრომების ზოგადი მიმართულებებია ახლო აღმოსავლეთისა და საქართველოს ისტორიული, ეთნოგრაფიული და არქეოლოგიური ურთიერთობები და ახლო აღმოსავლეთისა და საქართველოს კულტურული, ენობრივი და ლიტერატურული ურთიერთობები. დეტალური ინფორმაცია კონფერენციის შესახებ იხილეთ დანართში.

ბათუმის შოთა რუსთაველის სახელმწიფო უნივერსიტეტი, ეკონომიკისა და ბიზნესის ფაკულტეტი გიწვევთ მონაწილეობის მისაღებად საერთაშორისო სამეცნიერო კონფერენციაში „ეკონომიკისა და ბიზნესის გლობალური გამოწვევები და მდგრადი განვითარება“ – 2023. კონფერენცია ჩატარდება 20-21 ოქტომბერს და დაფინანსებულია აჭარის ავტონომიური რესპუბლიკის განათლების, კულტურისა და სპორტის სამინისტროს მიერ უმაღლესი განათლების ხელშეწყობის პროგრამის „კონფერენციის მოწყობა“ ფარგლებში.