კონფერენციები

22-24 აგვისტოს, ბათუმის შოთა რუსთაველის სახელმწიფო უნივერსიტეტი მერვედ უმასპინძლებს ბათუმის საზაფხულო უნივერსიტეტს საერთაშორისო უსაფრთხოების და გლობალური ბირთვული გაუვრცელებლობის საკითხებზე. ბათუმის საზაფხულო უნივერსიტეტის პარტნიორია თავდაცვისა და უსაფრთხოების საკითხებში სამოქალაქო საბჭო და შვედეთის რადიაციური უსაფრთხოების სააგენტო. წელს ბათუმის საზაფხულო უნივერსიტეტის ძირითადი თემაა „ბირთვული უსაფრთხოება და გაუვრცელებლობა მშფოთვარე დროში“ მომავლის ხედვა.

7-14 აგვისტოს, ბათუმის შოთა რუსთაველის სახელმწიფო უნივერსიტეტში ბათუმის საერთაშორისო საზაფხულო სკოლა დიგიტალურ ქართველოლოგიაში (მეთოდები, ტექნოლოგიები, რესურსები) ჩატარდება. საზაფხულო სკოლა ქართველოლოგიური მეცნიერებების გამოწვევებს ციფრულ ეპოქაში – მეთოდებს, ტექნოლოგიებს და რესურსებს ეძღვნება. საზაფხულო სკოლის მონაწილეები გაეცნობიან დიგიტალური ქართველოლოგიის ჩამოყალიბების ისტორიას, არსსა და საფუძვლებს; მიიღებენ ცოდნას დიგიტალური ქართველოლოგიის ძირითად მიმართულებებში, გაეცნობიან ქართული ენის ანალიზისა და სინთეზის პროგრამებს, კომპიუტერული ლექსიკოგრაფიის პრინციპებსა და მეთოდებს, ქართული ენისათვის მანქანური სწავლების გამოყენების პროგრამულ უზრუნველყოფებს.

საზაფხულო სკოლა ბათუმში „კონსტიტუციური მართლმსაჯულება“

7-13 აგვისტო, 2023

ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტისა და სამცხე-ჯავახეთის სახელმწიფო უნივერსიტეტის იურიდიული ფაკულტეტის ორგანიზებით ქალაქ ბათუმში გაიმართება საზაფხულო სკოლა კონსტიტუციური მართლმსაჯულების აქტუალურ საკითხებთან დაკავშირებით. მონაწილეობის მიღების უფლება აქვს ნებისმიერი ავტორიზებული უნივერსიტეტის სამართლის საბაკალავრო და სამაგისტრო საგანმანათლებლო პროგრამის სტუდენტს.

ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტისა და სამცხე-ჯავახეთის სახელმწიფო უნივერსიტეტის იურიდიული ფაკულტეტის ორგანიზებით ქალაქ ბათუმში გაიმართება საზაფხულო სკოლა კონსტიტუციური მართლმსაჯულების აქტუალურ საკითხებთან დაკავშირებით. მონაწილეობის მიღების უფლება აქვს ნებისმიერი ავტორიზებული უნივერსიტეტის სამართლის საბაკალავრო და სამაგისტრო საგანმანათლებლო პროგრამის სტუდენტს.

ბათუმის შოთა რუსთაველის სახელმწიფო უნივერსიტეტის ჟან მონეს კათედრა სტუდენტებს იწვევს საზაფხულო სკოლაში: „კონსტიტუციური დემოკრატია ევროკავშირში: თანამედროვე გამოწვევები და საქართველო“ მონაწილეობის მისაღებად. საზაფხულო სკოლა ორგანიზებულია ჟან მონეს კათედრის „ევროპის კავშირის ძირითადი ღირებულებები: დემოკრატია, კანონის უზენაესობა და ადამიანის უფლებების დაცვა" ფარგლებში, რომელიც დაფინანსებულია ევროკავშირის ერაზმუს + ჟან მონეს პროგრამის მიერ და მიზნად ისახავს ევროკავშირის ღირებულებების პოპულარიზაციას, ევროკავშირის შესახებ კვლევებისა და სწავლების განვითარების ხელშეწყობის გზით.

17-21 ივლისს, ბათუმის შოთა რუსთველის სახელმწიფო უნივერსიტეტში სეზონური სკოლა „ქართული ლიტერატურისა და ლიტერატურული პროცესის შემსწავლელი სეზონური სკოლა“ გაიმართება თემაზე: „ქართული ლიტერატურა თანამედროვეობის პარადიგმაში“. სტუდენტები მიიღებიან სამოტივაციო წერილის საფუძველზე. წერილის გამოგზავნის ვადები: 1 ივნისი - 1 ივლისი. წერილი უნდა გამოიგზავნოს შემდეგ მისამართზე: sezonuriskolabsu@gmail.com