კონფერენციები

ბათუმის შოთა რუსთაველის სახელმწიფო უნივერსიტეტში საერთაშორისო სამეცნიერო კონფერენცია „ბიონანოაგენტების კვლევის თანამედროვე მეთოდები“ გაიმართება. საერთაშორისო სესიის მიზანია საქართველოში გრძელვადიანი ინოვაციური პოტენციალის გაუმჯობესება და მათი პოპულარიზაცია. კონფერენცია ხელს შეუწყობს ინტერდისციპლინარულ თანამშრომლობას (ბიო – სამედიცინო და ბიოფიზიკა, ფიზიკური კვლევა, ინფორმაციული ტექნოლოგია და სისტემები), ასევე კვლევისა და ინოვაციური პროდუქტების, ცოდნისა და იდეების გაცვლას ბაზრიდან კვლევამდე და პირიქით. სამდღიან სესიაში მონაწილეობას ღებულობენ საქართველოსა და უცხოეთის უმაღლესი საგანმანათლებო დაწესებულებებისა პროფესორ-მასწავლებლები და მკვლევრები.

2022 წლის 23 აპრილს, ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტისა და აღმოსავლეთმცოდნეობის დეპარტამენტის ორგანიზებით, გაიმართება მოსწავლეთა მეხუთე სამეცნიერო ვიდეოკონფერენცია თემაზე: „ახლო აღმოსავლეთი და საქართველო“. მოხსენებები წარმოდგენილი იქნება შემდეგი მიმართულებით: ახლო აღმოსავლეთისა და საქართველოს ისტორიული, ეთნოგრაფიული, არქეოლოგიური, კულტურული, ენობრივი, ლიტერატურული ურთიერთობების შესახებ. მონაწილეები დაჯილდოვდებიან მადლობის სიგელითა და სერტიფიკატით.

ევროპის უნივერსიტეტისა და ქუთაისისის უნივერსიტეტის ორგანიზებით, 2021 წლის 15 დეკემბერს გაიმართება პირველი საერთაშორისო კონფერენცია I საერთაშორისო კონფერენცია „განათლება, ტექნოლოგია და ინოვაცია“ (ICETI2021). ონლაინ კონფერენციის მიზანია განათლების მკვლევარების, ექსპერტებისა და პროფესიონალებისთვის აკადემიური პლატფორმის შეთვაზება, სადაც ისინი განიხილავენ განათლების სფეროში არსებულ გამოწვევებს და ერთმანეთს გაუზიარებენ ცოდნასა და გამოცდილებას.

2021 წლის 13 ოქტომბერს, ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტისა და აღმოსავლეთმცოდნეობის დეპარტამენტის ორგანიზებით გაიმართება სამეცნიერო ონლაინ კონფერენცია თემაზე: „ლიუ ყანდარელ-კუანგვენის ღვაწლი ჩინეთ-საქართველოს ურთიერთობაში“. სესია სამეცნიერო პროექტის „ლიუ ყანდარელ-კუანგვენის ღვაწლი ჩინეთ-საქართველოს ურთიერთობაში“ ფარგლებში ჩატარდება.

პოლონეთის ჟეშუვის პოლიტიკურ მეცნიერებათა ინსტიტუტი გიწვევთ მონაწილეობის მისაღებად მეათე საერთაშორისო სამეცნიერო კონფერენციაში „CAUCASUS - PAST - PRESENT - FUTURE. ღონისძიება გაიმართება 2021 წლის 21- 22ოქტომბერს. დამატებითი იფორმაციისთვის ეწვიეთ ბმულს: http://www.congressofhumanrights.pl/