კონფერენციები

2021 წლის 13-15 ოქტომბერს, ივანე ჯავახიშვილის სახელობის თბილისის სახელმწიფო უნივერსიტეტის ქართულ-ოსურ ურთიერთობათა სამეცნიერო-კვლევითი ცენტრის ორგანიზებით ჩატარდება VII საერთაშორისო სამეცნიერო კონფერენცია „ქართულ-ოსურ ურთიერთობათა განვითარების პერსპექტივები“. კონფერენცია ეძღვნება იოანე იალღუზიძეს (გაბარაევს), ოსური ანბანის შემქმნელს, მწიგნობარს, პოეტს. ქართული და ოსური ენების შესანიშნავ მცოდნეს, მკვლევარს. იოანე იალღუზიძეს დიდი წვლილი მიუძღვის ქართულ-ოსური ლიტერატურული ურთიერთობების განვითარებაში.

პოლონეთის ჟეშუვის პოლიტიკურ მეცნიერებათა ინსტიტუტი გიწვევთ III საერთაშორისო კონგრესზე „ადამიანის უფლებები და მათი დაცვა“. ღონისძიება გაიმართება 2021 წლის 19-21 ოქტომბერს. დამატებითი იფორმაციისთვის ეწვიეთ ბმულს.

კრაკოვის იოანე პავლე II- ის უნივერსიტეტი იწვევს დოქტორანტებს და მკვლევარებს III საერთაშორისო სამეცნიერო კონფერენციაზე „ტრადიციები და ჩვეულებები კულტებსა და რელიგიებში“ მონაწილეობის მისაღებად. კონფერენცია გაიმართება პოლონეთში, ქალაქ კრაკოვში, 2021 წლის 18-19 ოქტომბერს. დამატებითი ინფორმაციისათვის ეწვიეთ ბმულს: https://forms.gle/6hKzkMerqUMzd6cq7

დავით აღმაშენებლის სახელობის საქართველოს ეროვნული თავდაცვის აკადემია იწვევს მსურველებს ეროვნული თავდაცვის აკადემიაში საერთაშორისო სამეცნიერო- პრაქტიკულ კონფერენციაზე „ახალი ტექნოლოგიების როლი და მნიშვნელობა შეიარაღებულ კონფლიქტებში". კონფერენცია გაიმართება მიმდინარე წლის 13 ოქტომბერს. კონფერენციაში მონაწილეობის მსურველებმა ნაშრომი უნდა წარმოადგინონ „ნაშრომის შესრულების სტანდარტის მიხედვით“ 28 სექტემბრამდე აკადემიის ოფიციალურ ელექტრონულ მისამართზე: conference@eta.edu.ge

2021 წლის 16-17 სექტემბერს, ქუთაისში, აკაკი წერეთლის სახელმწიფო უნივერსიტეტში ჩატარდება IV საერთაშორისო კონფერენცია „თანამედროვე განვითარების ეკონომიკური, სამართლებრივი და სოციალური პრობლემები-2021“. კონფერენციის ორგანიზატორები არიან აკაკი წერეთლის სახელმწიფო უნივერსიტეტის ბიზნესის, სამართლისა და სოციალურ მეცნიერებათა ფაკულტეტი და საქართველოს ენერგეტიკისა და წყალმომარაგების მარეგულირებელი ეროვნული კომისია.