გამოცხადდა ბსუ-ს მიზნობრივი სამეცნიერო-კვლევითი პროექტების შესარჩევი კონკურსი შემდეგ მიმართულებებით: საბუნებისმეტყველო მეცნიერებები, ინჟინერია, ტექნოლოგიები და აგრარული მეცნიერებები, ეკონომიკა და ბიზნესი, ჰუმანიტარული მეცნიერებები, სოციალური მეცნიერებები, მედიცინისა და ჯანმრთელობის მეცნიერებები, ინტერდისციპლინური კვლევები. საკონკურსო დოკუმენტაციის მიღება იწარმოებს ბსუ-ს კანცელარიის მეშვეობით 2019 წლის 14 იანვრიდან 31 იანვრის ჩათვლით.
„საზოგადოებრივი მაუწყებელი პირველი არხი“ აცხადებს გადაცემის „წიგნების თაროს“ მონაწილეთა შესარჩევ კონკურსს. მეორე სტუდენტურ სეზონში მონაწილე გუნდების რეგისტრაცია 2018 წლის 20 დეკემბერს დაიწყება და 2019 წლის 15 იანვარს დასრულდება. „წიგნების თარო” არის ახალგაზრდული ლიტერატურული შოუ, რომლის თემატიკას ლიტერატურასთან ერთად სხვადასხვა შემეცნებითი სფერო წარმოადგენს. თამაშში რჩეული 16 გუნდი მონაწილეობს, თითოეულ გუნდში სამი სტუდენტია, რომელებიც ერთი და იგივე უნივერსიტეტის კონკრეტულ ფაკულტეტს წარმოადგენენ.
