ახალი ამბები

ბათუმის შოთა რუსთაველის სახელმწიფო უნივერსიტეტში ახალი სასწავლო წელი დაიწყო. პირველკურსელებს სწავლის დაწყება მიულოცა და წარმატებები უსურვა უნივერსიტეტის რექტორის მოვალეობის შემსრულებელმა, მერაბ ხალვაშმა, ასევე, აჭარის ა.რ. განათლების, კულტურისა და სპორტის მინისტრმა, მაია ხაჯიშვილმა და ფაკულტეტების დეკანებმა. რექტორმა სტუდენტებს დეტალურად გააცნო საუნივერსიტეტო ცხოვრება, საგანმანათლებლო პროგრამები, სტიპენდიები და საერთაშორისო გაცვლითი შესაძლებლობები.

ბათუმის შოთა რუსთაველის სახელმწიფო უნივერსიტეტის რექტორის მოვალეობის შემსრულებელმა, მერაბ ხალვაშმა და ტაჯიკეთის ტურიზმისა და მეწარმეობის საერთაშორისო უნივერსიტეტის რექტორმა, ასრორზოდა უბაიდულო სათორმა, თანამშრომლობის მემორანდუმს მოაწერეს ხელი. მემორანდუმი ითვალისწინებს ერთობლივი სასწავლო-სამეცნიერო პროექტების განხორციელებას, გაცვლითი და სტაჟირების პროგრამების ამოქმედებას, კონფერენციების, სემინარებისა და ტრენინგების ჩატარებას. მხარეები ასევე შეთანხმდნენ სამომავლო თანამშრომლობის გეგმებსა და მიმართულებებზე.

სოხუმის დაცემიდან 31 წელი გავიდა. ბათუმის შოთა რუსთაველის სახელმწიფო უნივერსიტეტის რექტორის მოვალეობის შემსრულებელმა მერაბ ხალვაშმა, სტუდენტებმა და პროფესორ-მასწავლებლებმა გმირთა ხეივანში, ჟიული შარტავას მემორიალი ყვავილებით შეამკეს და საქართველოს ტერიტორიული მთლიანობისთვის დაღუპული გმირების ხსოვნას პატივი მიაგეს. სამხედრო დაპირისპირება აფხაზეთში 1992 წლის 14 აგვისტოს დაიწყო. კონფლიქტი ქართულ სამთავრობო ჯარებსა და აფხაზ სეპარატისტთა ძალებს შორის 13 თვესა და 13 დღეს გრძელდებოდა.

ბათუმის შოთა რუსთაველის სახელმწიფო უნივერსიტეტი მესამე საერთაშორისო კონფერენციას მასპინძლობს თემაზე: „ადრეული განათლება და ზრუნვა“. კონფერენცია ბათუმის შოთა რუსთაველის სახელმწიფო უნივერსიტეტის რექტორის მოვალეობის შემსრულებელმა მერაბ ხალვაშმა, ქალაქ ბათუმის მერმა არჩილ ჩიქოვანმა, აჭარის ა.რ. განათლების, კულტურისა და სპორტის მინისტრის მოადგილემ ზაურ ახვლედიანმა, იაპონიის ელჩმა საქართველოში ჰიდეკი იშიზუკამ, საქართველოში გაეროს მუდმივმა კოორდინატორმა დიდიე ტღებიუკმა და გაეროს ბავშვთა ფონდის წარმომადგენელმა საქართველოში იესპერ მოლერმა გახსნეს.

ბათუმის შოთა რუსთაველის სახელმწიფო უნივერსიტეტს ჰუნანის (ჩინეთი) მეცნიერებისა და ტექნოლოგიის ინსტიტუტის (“HNIST”) დელეგაცია ეწვია. ვიზიტის ფარგლებში ბსუ-ს რექტორის მოვალეობის შემსრულებელმა, პროფესორმა მერაბ ხალვაშმა და ჰუნანის მეცნიერებისა და ტექნოლოგიის ინსტიტუტის ვიცე პრეზიდენტმა, პროფესორმა შუ შენშიანგმა თანამშრომლობის მემორანდუმს მოაწერეს ხელი. შეთანხმება ითვალისწინებს სტუდენტებისა და პერსონალის გაცვლას, საბაკალავრო, სამაგისტრო და სხვა სასწავლო საგანმანათლებლო პროგრამების განხორციელებასა და ერთობლივი კონფერენციების ჩატარებას. მხარეებმა შეხვედრაზე სამომავლო თანამშრომლობის საკითხები განიხილეს და სამეცნიერო და სასწავლო მიმართულებით გაცვლითი პროგრამების პრიორიტეტები განსაზღვრეს.