2009 წლის 7 აგვისტოს რუსეთ-საქართველოს ომის წლისთავთან დაკავშირებით უნივერსიტეტის სააქტო დარბაზში რსუ-ს პროფესორ-მასწავლებელები შეიკრიბენ და საზოგადოებისადმი მორიგი მიმართვა მიიღეს.
2008 წლის აგვისტოში შიდა ქართლის რეგიონში განვითარებული მოვლენების ერთი წლისთავთან დაკავშირებით ბათუმის სახელმწიფო უნივერსიტეტში სტუდენტური მოძრაობა "7 აგვისტო" შეიკრიბა და 7 აგვისტოს საქართველოს ერთიანობის დღედ გამოცხადება მოითხოვა. მოძრაობა სტუდენტების ინიციატივით დაფუძნდა და ის საქართველოს ყველა უმაღლეს სასაწავლებელს აერთიანებს.
ჰუმანიტარულ მეცნიერებათა ფაკულტეტის, საქართველოში ირანის საელჩოსა და არასამთავრობო ორგანიზაცია ,,ქართულ-ირანული ურთიერთობების ცენტრის“ ხელშეწყობით შოთა რუსთაველის სააქტო დარბაზში გაიმართა სამეცნიერო კონფერენცია თემაზე: ,,ქართულ-ირანული ურთიერთობები“. მხარეთა შეთანხმებით ზაფხულში შირაზსა და ფერეიდანში ქართულ-ირანული ურთიერთობების ცენტრები დაფუძნდება. კონფერენციაზე დაიგეგმა ქართული საკვირაო სკოლის გახსნაც.
უნივერსიტეტს თურქეთის რესპუბლიკის განათლების უმაღლესი საბჭოს წევრ უნივერსიტეტების რექტორთა წარმომადგენლობითი დელეგაცია ეწვია. ვიზიტის მიზანი შავი ზღვის რეგიონში არსებულ უნივერსიტეტებთან ურთიერთობის გაღრმავება იყო. შეხვედრის ფარგლებში ერთობლივი სასწავლო, სამეცნიერო-კვლევითი და კულტურული პროგრამების განხორციელება დაიგეგმა.
