ახალი ამბები

აზერბაიჯანის რესპუბლიკის დამოუკიდებლობის დღისადმი მიძღვნილი ღონისძიება გაიმართა ბათუმის შოთა რუსთველის სახელმწიფო უნივერსიტეტში. ღონისძიება გახსნა და აზერბაიჯანის დამოუკიდებლობის მოპოვების ისტორიაზე ისაუბრა აზერბაიჯანის რესპუბლიკის გენერელურმა კონსულმა ბათუმში პარვიზ ისმაილზადამ. აზერბაიჯანელ ხალხს დამოუკიდებლობის დღე მიულოცეს, ორ ქვეყანას შორის არსებულ მეგობრულ ურთიერთობებზე, საერთო ისტორიულ მოვლენებსა და სამომავლო სტრატეგიებზე ისაუბრეს აჭარის ა.რ. მთავრობის თავმჯდომარემ თორნიკე რიჟვაძემ, აჭარის ა.რ. უმაღლესი საბჭოს თავმჯდომარემ დავით გაბაიძემ, ბსუ-ს რექტორმა მერაბ ხალვაშმა და თურქეთის გენერალურმა კონსულმა ბათუმში რიზა ქაღან ილმაზმა.

ბსუ-ს რექტორი მერაბ ხალვაში და აჭარის ა.რ. აუდიტის დეპარტამენტის უფროსის მოადგილე ჰენრი სანიკიძე პროექტის „გახდი აუდიტორი“ მონაწილე სტუდენტებს შეხვდნენ, პროექტში მონაწილეობის შედეგები შეაფასეს და სერტიფიკატები გადასცეს. „გახდი აუდიტორი“ საჯარო აუდიტის ინსტიტუტისა და საერთაშორისო აუდიტორული კომპანიების ერთობლივი პროექტია, რომლის მიზანია ახალგაზრდების კარიერული განვითარებისა და პროფესიული უნარების განვითარების ხელშეწყობა. სსიპ - საჯარო აუდიტის პროექტში „გახდი აუდიტორი“ მონაწილეობა მიიღეს ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის სტუდენტებმა ნათია არძენაძემ და ასლან კომახიძემ.

ბათუმის შოთ რუსთველის სახელმწიფო უნივერსიტეტს გერმანიის ელჩის მოადგილე ტანია ჰუტი ეწვია. რექტორთან მერაბ ხალვაშთან და ჰუმანიტარულ მეცნიერებათა ფაკულტეტის დეკანთან თეონა ბერიძესთან გამართულ შეხვედრაზე სტუმარმა ბსუ-სა და გერმანიის უნივერსიტეტებთან თანამშრომლობის გაღრმავებასა და ახალი საგანმანათლებლო პროგრამების განხორციელებაზე ისაუბრა. გერმანიის ელჩის მოადგილემ, ტანია ჰუტმა ხაზის გაუსვა გერმანული ენის სწავლების მხარდაჭერის პროექტს, რომელიც ითვალისწინებს გერმანული ენის სწავლების გაძლიერებას. ვიზიტის ფარგლებში დიპლომატიური კორპუსის წარმომადგენელი ასევე შეხვდა გერმანისტიკის მიმართულების აკადემიურ პერსონალს, პროფესიული და უწყვეტი განათლების სამაგისტრო საგანმანათლებლო პროგრამის, ევროპისმცოდნეობის, საერთაშორისო ურთიერთობების საბაკალავრო საგანამანათლებლო პროგრამების სტუდენტებსა და აჭარის რესურსცენტრების ხელმძღვანელებს.

მსოფლიო ბანკის წარმომადგენელი, გლობალური ინოვაციების მრჩეველი პიტერ ლინდჰოლმი ბსუ-ს რექტორს, მერაბ ხალვაშს, ადმინისტრაციის ხელმძღანელს, მერაბ დიასამიძეს, რექტორის მოადგილეებს, თამარ სირაძეს და ანზორ ბერიძეს, ხარისხის უზრუნველყოფის სამსახურის უფროსს, ვლადიმერ ღლონტს და სამეცნიერო კვლევების სამსახურის წარმომადგენელს, ნათია ჯაფარიძეს შეხვდა. პიტერ ლინდჰოლმმა შეხვედრაზე საქართველოში ავტორიზებული უმაღლესი საგანმანათლებლო დაწესებულებებისა და კვლევითი ინსტიტუტების კვლევების შედეგების შეფასების, მონიტორინგისა და შეფასების სისტემების მდგრადობა განიხილა. ღონისძიების მონაწილეებმა ასევე იმსჯელეს კვლევების განვითარების მონიტორინგისა და შეფასების ბერკეტებსა და ეფექტიანობის შეფასების გასაუმჯობესებლად საჭირო მექანიზმების იდენტიფიცირებაზე. შეხვედრა შოთა რუსთაველის საქართველოს ეროვნული სამეცნიერო ფონდის ორგანიზებით გაიმართა.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტი ტურიზმისა და სასტუმრო აღჭურვილობის მე-14 საერთაშორისო გამოფენაში - „EBIT - 2023’’ მონაწილეობს. ფაკულტეტის სტუდენტებმა და პროფესორ-მასწავლებლებმა დამთვალიერებლებს საუნივერსიტეტო ცხოვრება, სერვისები, ტურიზმის საგანმანათლებლო პროგრამა გააცნეს და ტურისტული პროდუქტები წარუდგინეს. ვიზიტორებს ასევე შესაძლებლობა მიეცათ, VR-სათვალის საშუალებით ვირტუალურად ემოგზაურათ საქართველოს სხვადასხვა კუთხეში, გაცნობოდნენ ქვეყნის ტურისტულ პოტენციალს, რესურსებსა და მარშრუტებს. გამოფენა 3 დღეს გაგრძელდება და მასში 85-მდე ადგილობრივი და საერთაშორისო ტურისტული კომპანია მონაწილეობს.