დღეს, 2008 წლის რუსეთ-საქართველოს ომში დაღუპული გმირის, ბათუმის შოთა რუსთაველის სახელმწიფო უნივერსიტეტის სტუდენტის, ვახტანგ გორგასლის I ხარისხის ორდენოსან ამირან მამალაძის საფლავი ბსუ-ს სტუდენტებმა, პროფესორ-მასწავლებლებმა და ადმინისტრაციის წარმომადგენლებმა გვირგვინით შეამკეს. უნივერსიტეტელებმა კიდევ ერთხელ პატივი მიაგეს საქართველოს ტერიტორიული მთლიანობისათვის დაღუპული მებრძოლის ხსოვნას და მის ღვაწლზე ისაუბრეს.
ბათუმის შოთა რუსთაველის სახელმწიფო უნივერსიტეტი ქვიშის ფეხბურთის საქართველოს ეროვნული ჩემპიონატის ვიცე-ჩემპიონია. ბსუ-ს ქვიშის ნაკრებმა წარმატებით იასპარეზა საქართველოს ეროვნულ ჩემპიონატში, 4 აგვისტოს 1/4 ფინალურ მატჩში ბსუ-ს გუნდმა ანგარიშით 11-3 დაამარცხა თბილისი. 5 აგვისტოს 1/2 ფინალი ძალიან დრამატულად წარიმართა და ბსუ-მ პენალტების სერიით ბათუმის საზღვაო აკადემიის გუნდი დაამარცხა რითაც გუნდმა მოიპოვა საგზური ქვიშის ფეხბურთის ევროპის ჩემპიონთა ლიგაზე, რომელიც 2019 წლის მაისში გაიმართება პორტუგალიის ქალაქ ნაზარეში. 6 აგვისტოს გამართულ ფინალურ შეხვედრაში ბსუ-ს ნაკრებს ბათუმის დინამომ სძლია და ჩემპიონის ტიტული მოიპოვა, ხოლო ბსუ-ს ნაკრები ჩემპიონატის ვიცე-ჩემპიონი გახდა.
ბათუმის შოთა რუსთაველის სახელმწიფო უნივერსიტეტის საერთაშორისო საზაფხულო სკოლა „ევროკავშირის სამართალი და ევროინტეგრაცია სამხრეთ კავკასიაში“ დასრულდა. აჭარის ა.რ. უმაღლესი საბჭოს თავმჯდომარემ დავით გაბაიძემ მე-6 საერთაშორისო საზაფხულო სკოლის მონაწილეებსა და პროფესორ-მასწავლებლებს უმასპინძლა. დავით გაბაიძემ შეხვედრის მონაწილეებს, აჭარის ავტონომიური რესპუბლიკის სტატუსზე, ახლად მიღებულ კონსტიტუციასა და უმაღლესი საბჭოს საქმიანობის ძირითად პრინციპებზე მიაწოდა ინფორმაცია, ისაუბრა ქვეყნის ევროპულ სტრუქტურებში ინტეგრაციისა და მსგავსი პროექტების ჩვენს რეგიონში ჩატარების მნიშვნელობაზე. უმაღლესი საბჭოს თავმჯდომარემ პროექტის ორგანიზატორებს მომავალი საზაფხულო სკოლის მაღალმთიან აჭარაში ჩატარება შესთავაზა და უპასუხა შეხვედრის მონაწილეთა შეკითხვებს.
„ერაზმუს+"-ის პროექტის „აკადემიური კეთილსინდისიერება ხარისხიანი სწავლისა და სწავლებისთვის ქართულ უმაღლეს საგანმანათლებლო დაწესებულებებში (INTEGRITY)" ფარგლებში, ბათუმის შოთა რუსთაველის სახელმწიფო უნივერსიტეტისთვის, როგორც პარტნიორი უნივერსიტეტისთვის ილიას სახელმწიფო უნივერსიტეტმა შეიძინა პლაგიატის აღმომჩენი პროგრამა. ილიას სახელმწიფო უნივერსიტეტის განვითარების სამსახურის წარმომადგენლები ბსუ-ს აკადემიურ და ადმინისტრაციულ პერსონალს შეხვდნენ და პროგრამის ამოქმედებისა და უნივერსიტეტში მისი პილოტირების შესახებ მიაწოდეს ინფორმაცია.
ბათუმის შოთა რუსთაველის სახელმწიფო უნივერსიტეტში დიპლომატიის საზაფხულო სკოლა დასრულდა. ბსუ-ს რექტორმა მერაბ ხალვაშმა, საქართველოს საგარეო საქმეთა სამინისტროს ლევან მიქელაძის სახელობის დიპლომატიური სასწავლო და კვლევითი ინსტიტუტის მკვლევრებმა და ელჩებმა: მიხეილ უკლებამ, კონსტანტინე ჟღენტმა და მამუკა ციხელაშვილმა საზაფხულო სკოლის მონაწილეებს სერტიფიკატები გადასცეს. საზაფხულო სკოლაში ბსუ-ს სხვადასხვა ფაკულტეტის 50-მდე სტუდენტი მონაწილეობდა. სამი დღის განმავლობაში ელჩები ლექციებს კითხულობდნენ თანამედროვე ქართული დიპლომატიის ისტორიაზე,
