ბსუ-ს ჰუმანიტარულ მეცნიერებათა ფაკულტეტის ინგლისური ფილოლოგიის საგანმანათლებლო პროგრამის მეოთხე კურსის წარჩინებულმა სტუდენტმა, სახელმწიფო სტიპენდიანტმა თედო შარადენიძემ გამოსცა დამხმარე პრაქტიკული სახელმძღვანელო ინგლისურ ენაში „წერეთ და ისაუბრეთ ინგლისურად“. სახელმძღვანელო განკუთვნილია აბიტურიენტებისა და სტუდენტებისთვის, შედგება წიგნის ავტორის მიერ დაწერილი ესეების, დიალოგების, მონოლოგების, პრაქტიკულ სავარჯიშოებისაგან.

11-12 და 16 ივნისს ბსუ-ს ჰუმანიტარულ მეცნიერებათა ფაკულტეტის ფილოსოფიის დეპარტამენტის ორგანიზებით, აღმოსავლეთ ევროპის უნივერსიტეტის პროფესორმა, სადოქტორო და უმაღლესი განათლების კვლევების განვითარების ცენტრის დირექტორის მოადგილემ, ფილოსოფიის დოქტორმა გიორგი თავაძემ ონლაინ-ტრენინგები ჩაატარა თემაზე: „ელექტრონულ სამეცნიერო ბაზებთან მუშაობის პრინციპები“. შეხვედრის სამიზნე ჯგუფები იყო ბსუ-ის ფილოსოფიის სპეციალობის ბაკალავრიატისა და მაგისტრატურის სტუდენტები და ფილოსოფიის დეპარტამენტის ძირითადი და მოწვეული აკადემიური პერსონალი.

ბათუმის შოთა რუსთაველის სახელმწიფო უნივერსიტეტში გერმანული საერთაშორისო ორგანიზაცია „Corridors”-ის ეგიდით საქართველოს სხვადასხვა უნივერსიტეტის სტუდენტებისათვის სამდღიანი ტრენინგი ჩატარდა მშვიდობისა და კონფლიქტების საკითხებზე. ტრენინგი პროექტის „სამშვიდობო განათლების შესაძლებლობების გაძლიერების” ფარგლებში გაიმართა და მიზნად ისახავდა უმაღლესი განათლების ინტერნაციონალიზაციის გაძლიერებას მშვიდობისა და კონფლიქტების სფეროში.

ბათუმის შოთა რუსთაველის სახელმწიფო უნივერსიტეტში გერმანული საერთაშორისო ორგანიზაცია „Corridors”-ის ეგიდით საქართველოს სხვადასხვა უნივერსიტეტის სტუდენტებისათვის სამდღიანი ტრენინგი ჩატარდა მშვიდობისა და კონფლიქტების საკითხებზე. ტრენინგი პროექტის „სამშვიდობო განათლების შესაძლებლობების გაძლიერების” ფარგლებში გაიმართა და მიზნად ისახავდა უმაღლესი განათლების ინტერნაციონალიზაციის გაძლიერებას მშვიდობისა და კონფლიქტების სფეროში.

ჰუმანიტარულ მეცნიერებათა ფაკულტეტის ფილოსოფიის დეპარტამენტის ხელმძღვანელის, პროფ. ლალი ზაქარაძის ინიციატივით ფილოსოფიისა და სოციოლოგიის მიმართულების სტუდენტების (ბაკალავრიატი, მაგისტრატურა), ასევე, ფილოსოფიის დეპარტამენტის ძირითადი და მოწვეულ აკადემიური პერსონალისთვის ა.წ.11–18 ივნისს იგეგმება ტრენინგების ციკლი, შემდეგი გრაფიკით: