ბსუ-ში სეზონური სკოლა „სკოლამდელი განათლების საბაკალავრო საგანმანათლებლო პროგრამების განვითარება (ადრეულ განათლებაში ოჯახთან და თემთან თანამშრომლობის მიმართულებით)“ ჩატარდა. ღონისძიება ითვალისწინებდა საქართველოს სახელმწიფო უნივერსიტეტებში სკოლამდელი განათლების საბაკალავრო საგანმანათლებლო პროგრამების შინაარსობრივი და მეთოდოლოგიური განვითარების ხელშეწყობას. სეზონურ სკოლაში ცხრა უმაღლესი საგანმანათლებლო დაწესებულების პროფესორ-მასწავლებლები და გაეროს ბავშვთა ფონდის ადრეული განათლების პროგრამის წარმომადგენლები მონაწილეობდნენ.

ბათუმის შოთა რუსთაველის სახელმწიფო უნივერსიტეტი მე-2 საერთაშორისო კონფერენციას „ბავშვთა უფლებების საკითხების ჩართვა საუნივერსიტეტო საგანმანათლებლო პროგრამებსა და კურიკულუმებში“ მასპინძლობს. კონფერენცია ორგანიზებულია გაეროს ბავშვთა ფონდის მიერ ბათუმის შოთა რუსთაველის სახელმწიფო უნივერსიტეტთან, აჭარის ავტონომიური რესპუბლიკის განათლების, კულტურისა და სპორტის სამინისტროსთან პარტნიორობით და საქართველოს განათლების და მეცნიერების სამინისტროს ეგიდით.

წარმატებით გაიარა პროგრამული აკრედიტაცია ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის მათემატიკის სამაგისტრო საგანმანათლებლო პროგრამამ. ვულოცავთ ფაკულტეტის სტუდენტებსა და პროფესორ-მასწავლებლებს ამ მნიშვნელოვან გამარჯვებას.

ბათუმის შოთა რუსთაველის სახელმწიფო უნივერსიტეტის რექტორის მოადგილემ თამარ სირაძემ და ზუსტ მეცნიერებათა და განათლების ფაკულტეტის დეკანმა ლელა თურმანიძემ მონაწილეობა მიიღეს გაეროს ბავშვთა ფონდის მიერ წყალტუბოში გამართულ სემინარში. ორდღიანი სემინარის ფარგლებში მონაწილეებმა განიხილეს ბავშვის უფლებათა ცენტრების ხედვა, მისია და სტრატეგიული მიზნები. ღონისძიებაში ჩართული იყვნენ იმ შვიდი პარტნიორი სახელმწიფო უნივერსიტეტის რექტორები და წარმომადგენლები, სადაც ბავშვის უფლებების ცენტრებია გახსნილი.

წარმატებით გაიარა პროგრამული აკრედიტაცია ბსუ-ს ზუსტ მეცნიერებათა და განათლების ფაკულტეტის მათემატიკის საბაკალავრო საგანმანათლებლო პროგრამამ და ფიზიკის საბაკალავრო და სამაგისტრო საგანმანათლებლო პროგრამებმა. აკრედიტაციის სტანდარტები დააკმაყოფილა პროგრამებმა და უმაღლესი საგანმანათლებლო პროგრამების აკრედიტაციის საბჭოს გადაწყვეტილებით სრული აკრედიტაცია მოიპოვა. ვულოცავთ ფაკულტეტის სტუდენტებსა და პროფესორ-მასწავლებლებს მნიშვნელოვან გამარჯვებას და წარმატებებს ვუსურვებთ.