საქართველოს მეღვინეობის ქვეყანაა, სხვადასხვა რეგიონის ზონებში ყურძნისა და ღვინის ხარისხობრივ მაჩვენებლებს სხვადასხვა ფაქტორი განაპირობებს. მათ შორის განსაკუთრებული მნიშვნელობა ენიჭება ჯიშობრიობას, მაგრამ არანაკლებ მნიშვნელოვანია ნიადაგურ-კლიმატური ფაქტორი, ნალექების რაოდენობა და ჰაერის ტემპერატურა. ნიადაგურ – კლიმატური ფაქტორი ასახვას პოვებს, როგორც ყურძნის, ასევე მისგან დაყენებული ღვინის ქიმიურ შედგენილობაზე. ყურძნის ფენოლური ნაერთები და მათი გარდაქმნის პროდუქტები აქტიურ მონაწილეობას იღებს ღვინის ჩამოყალიბებაში. ფენოლურ ნაერთებს მრავალმხრივი ბიოლოგიური აქტიურობა გააჩნიათ, მათ შორის კარდიოპროტექტორული, ანთების საწინააღმდეგო და ანტიკანცეროგენული მოქმედება, რაც განპირობებულია მათი ანტიოქსიდანტური თვისებებით. რადგანაც ინტერესი ქართული ღვინოებისადმი სწრაფად იზრდება, შესაბამისად იზრდება ღვინის მწარმოებილი ქარხნების რაოდენობაც და ყურძნის გადამუშავების შედეგად მიღებული ნარჩენები, რომელიც გადამუშავებული ყურძნის 20% შეადგენს, არის ფასეული ნედლეული ბევრი ბიოლოგიურად აქტიური ნივთიერებების მისაღებად.

ავტორი სხვადასხვა სტილისტურ ხერხს იყენებს აზრის გამოსახატავად, სხვადასხვა გზით ცდილობს მკითხველის სასურველ მიზანთან მიყვანას. ყველა ავტორს მისთვის დამახასიათებელი სტილი გააჩნია, რაც კითხვას ერთდროულად საინტერესო და სასიამოვნო პროცესად აქცევს. ტექსტის ანალიზისას მკითხველი ფიქრობს დაფარულ, ნაგულისხმევ მნიშვნელობაზე და ცდილობს დაიჭიროს ხაზებს შორის მიმოფანტული აზრი. ჩვენი განხილვის თემა გახლავთ ირონია. ირონია ავტორის მიერ შესაძლებელია სხვადასხვა ფორმებითა და სხვადასხვა დანიშნულებით იქნეს გამოყენებული. ის თავის გამოსახულებას ისეთ სიტყვებში ღებულობს, რომელთაც საპირისპირო მნიშვნელობა გააჩნიათ. ირონია გულისხმობს ნათქვამსა და ნაგულისხმევს შორის სხვაობას. არსებობს სხვადასხვა სახის ირონია: ვერბალური, სიტუაციური, დრამატული და ტრაგიკული. თითოეულ მათგანს საკუთრი დანიშნულება და მნიშვნელობა გააჩნია. ავტორის მიერ ირონიის გამოყენებას შეუძლია სხვადასხვა ეფექტი მოახდინოს მკითხველზე. პირველყოვლისა, ის სახალისო ატმოსფეროს შექმნის ერთ-ერთი გზაა, მისი საშუალებით შესაძლებელია განვტვირთოთ დაძაბული სიტუაცია, ხოლო მეორეს მხრივ შეიძლება სიბრაზისა და სიძულვილის, კრიტიკის მიზეზი გახდეს. და ბოლოს, ირონია შესაძლებელია გამოვიყენოთ სიტუაციის აღსაწერად და ვუჩვენოთ მთელი ტრაგედია და სიმძიმე ამ სიტუაციისა სწორედ ამ ხერხის გამოყენებით. მაშასადამე, დატვირთვა, რომელიც ირონიას გააჩნია, ეხმარება მკითხველს ჩაწვდეს სიღრმისეულ მნიშვნელობას და მივიდეს ავტორის მიერ დასახულ მიზანთან.

შესანიშნავი გამოცდილებაა, როდესაც მასწავლებელი ასწავლის ისეთ ჯგუფს, სადაც მოსწავლეებს ერთი და იგივე დონე გააჩნით, მაგრამ ჩვენ ყველამ კარგად ვიცით, რომ ეს იდეალური სამყარო მხოლოდ წარმოსახვის ნაყოფია, რადგან მასწავლებლებს თითქმის ყოველთვის უწევთ შერეული დონის მოსწავლეებთან მუშაობა. მასწავლებლებს მსგავსი პრობლემები არა მხოლოდ სკოლებში, არამედ უმაღლეს დაწესებულებებშიც აქვთ. არსებობს ეგრეთ წოდებული დონის განმსაზღვრელი ტესტები, რომებსაც იყენებენ სტუდენტების დონის განსასაზღვრად. თუმცა ეს ტესტები ყოველთვის ვერ მუშაობს გარკვეული რეგულაციების თუ წესების გამო. ასეთ შემთხვევაში მასწავლებელს უწევს რეალობის მიღება და იმაზე ფიქრი თუ როგორ გაუმკლავდეს ამ გამოწვევას.