დემოგრაფიული განვითარების პრობლემა თანამედროვე მსოფლიოში აქტუალობას არ კარგავს. თითოეული რეგიონი უნიკალური დემოგრაფიული ობიექტია, რომლის მოსახლეობის რიცხოვნების დინამიკას აქვს თავისებურებები. მიზეზთაგან, რომლებიც განაპირობებენ მოსახლეობის რიცხოვნების შემცირებას, ერთერთი არახელსაყრელი სოციალურ-ეკონომიკური მდგომარეობაა. მოსახლეობის ერთი ასაკიდან მეორეზე გადასვლისას დემოგრაფიული პროცესების შესახებ ინფორმაცია ეკონომიკური პრობლემის გადაჭრის მნიშვნელოვანი იარაღია. აღნიშნული პრობლემებიდან გამომდინარე ჩამოყალიბდა სემინარის მიზნები და ამოცანები.

საკრედიტო ბაზრის განვითარებაში დიდი როლი უჭირავს ეროვნული ბანკის მიერ განხორციელებულ რიგ საკანონმდებლო ცვლილებებს, რაც დაგვანახა საერთაშორისო გამოცდილებამ და მიდგომებმა. აქედან გამომდინარე ყოველი საკანონმდებლო რეგულირება უკავშირდება ქვეყანაში ფინანსური სტაბილურობის ზრდას, ეკონომიკური მდგომარეობის გაუმჯობესებას.

საქართველოს გარდამავალ ეკონომიკაში გატარებულ რეფორმებს შორის ერთ-ერთ ყველაზე აქტუალურ მიმართულებად მოგების გადასახადით დაბეგვრის ე.წ. „ესტონური’’ მოდელის ფუნქციონირება წარმოადგენს. მოხსენება განიხილავს დაბეგვრის ტრადიციული და ესტონური მოდელების ურთიერთშედარების ასპექტებს და, მათი გამოყენების შედეგების ანალიზის საფუძველზე, ასაბუთებს სრულყოფის ძირითადი მიმართულებების განსაზღვრის აუცილებლობას.

კომერციულ საბანკო სისტემის გამართული ფუნქციონირება მნიშვნელოვან როლს თამაშობს ტრანსფორმირებადი ეკონომიკის პირობებში სახელმწიფოს განვითარებაზე და პირიქით, ქვეყნის ეკონომიკური ზრდის ტემპი თავისთავად მოქმედებს საბანკო სექტორის სტაბილურობაზე. კომერციული ბანკებისა და საფინანსო სექტორის სხვა სუბიექტების პრობლემები მომენტალურად აისახება ეკონომიკის სხვა სფეროებზე.