პროგრამა „Horizon Europe-ის“ ფარგლებში ევროკომისიამ გამოაცხადა კონკურსი Marie Skłodowska-Curie Actions-თვის. MSCA მხარს უჭერს ყველა დისციპლინის წარმომადგენელ მკვლევრებს, სადოქტორო, პოსტდოქტორული პროგრამებისა და ერთობლივი კვლევითი და ინოვაციური პროექტების განხორციელებაში. პროექტი ხელს უწყობს მკვლევრების შრომების მიმართ დაინტერესებას აკადემიური წრეების მიღმა, მცირე და საშუალო ბიზნესის წარმომადგენლების მიერ.

„Horizon 2020”-ის მიერ დაფინანსებული პროექტი: „საზღვაო კვლევების და ინოვაციების კოორდინირება შავ ზღვაზე - Black Sea Connect” ეფუძნება შავი ზღვის აუზში კვლევისა და ინოვაციების განხორციელების მიზნით შემუშავებულ „შავი ზღვის სტრატეგიული კვლევებისა და ინოვაციების დღის წესრიგს“, რომელიც ევროკავშირის მიერ არის ინიცირებული. მიმდინარეობს ქვეყნის პრიორიტეტების განსაზღვრა „სტრატეგიული კვლევებისა და ინოვაციების დღის წესრიგის“ დოკუმენტის საფუძველზე და საქართველოს შესაბამისი ხედვის ფორმულირება.

ვიშეგრადის საერთაშორისო ფონდი (IVF) და ევროპული საუნივერსიტეტო ინსტიტუტი (EUI) ერთობლივად იწყებენ ახალ საგრანტო პროგრამას ცენტრალური და აღმოსავლეთ ევროპის იმ ახალგაზრდა მეცნიერებისათვის (პოსტ-დოქტორანტებისათვის), რომლებიც დაინტერესებულნი არიან ევროპული ინტეგრაციით, ევროკავშირის ისტორიულ არქივში (EUI) კვლევის ჩატარებით. 2021-2022 წლებში ხელმისაწვდომია ათი სამეცნიერო გრანტი, რომელთა ოდენობა შეადგენს 5000 ევროს.

დამატებითი ინფორმაციისთვის იხილეთ დანართი 1.

Czech Journal of International Relations იწვევს მომხსენებლებს ჟურნალის სარედაქციო საბჭოს წევრებთან სემინარზე აკადემიური გამოცდილების მიღების მიზნით. სემინარი შექმნილია იმ დოქტორანტებისათვის, რომელთაც სურთ, მიიღონ ცოდნა აკადემიური ჟურნალში გამოქვეყნების თვალსაზრისით. აბსტრაქტების გაგზავნა შესაძლებელია არაუგვიანეს 7 მარტისა, მისამართზე daniel@iir.cz.

ავსტრიის განვითარების სააგენტო გეგმავს წარმატებული პროგრამის APPEAR-ის მესამე ფაზის განხორციელებას. პროგრამის ფარგლებში დაფინანსების მოსაპოვებლად განცხადებების მიღება 2021 წლის დასაწყისში გამოცხადდება. დეტალური ინფორმაცია პროგრამის განხორციელებისა და მონაწილეობის პირობების შესახებ იხილეთ დანართის სახით.