23-29 ოქტომბერს Data Bootcamp-ში მონაწილეობა მიიღო ბსუ-ს ეკონომიკისა და ბიზნესის ფაკულტეტის სტუდენტმა თინათინ როდინაძემ. პრაქტიკული და თეორიული სწავლება ითვალისწინებდა მონაწილეების ბიზნეს იდეებისა და პროტოტიპების წარდგენას. Data Bootcamp-ის რჩეული გუნდის წევრი გახდა თინათინ როდინაძე, რომელიც დაჯილდოვდა 1000-ლარიანი ვაუჩერით. წარმატებული სტუდენტი ასევე 5 საუკეთესო მონაწილეთა შორის დასახელდა და სტაჟირებას გაივლის თიბისი ბანკის  მონაცემთა მეცნიერების დეპარტამენტში.

7-დღიან ინტენსიურ სასწავლო კურსებზე მონაწილეებმა გაიღრმავეს ცოდნა ხელოვნური ინტელექტის (AI), მანქანური სწავლების (ML) და კომპიუტერული ხედვის (CV) მიმართულებით.

Data Bootcamp-ი თიბისის განათლების პროგრამის ფარგლებში, საქართველოს ინოვაციების და ტექნოლოგიების სააგენტოსა (GITA) ქლევერტონისა და ბათუმის ტექნოპარკის ორგანიზებით ჩატარდა.