ბათუმის შოთა რუსთაველის სახელმწიფო უნივერსიტეტის საპატიო დოქტორმა კურტ ჰეინც რეიცმა ტურიზმის ფაკულტეტის სტუდენტებისათვის ლექციების ციკლი დაიწყო ტურიზმის აქტუალურ საკითხებზე. გერმანელი ექსპერტი 18 დღის განმავლობაში ლექციებს წაიკითხავს თემებზე: „ტურიზმის და მასპინძლობის მენეჯმენტი“, „საერთაშორისო ტურიზმის განვითარების თანამედროვე ტენდენციები“ და „საქართველოში სასტუმრო ბიზნესის განვითარება“. ახალგაზრდები ამ პერიოდის განმავლობაში დარგის სიახლეებს გაეცნობიან და პროფესიულ უნარ-ჩვევებს გაიუმჯობესებენ.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტზე სასტუმრო „შერატონ ბათუმის’’ წარმომადგენლები ტურიზმის ფაკულტეტის პირველკურსელებს შეხვდნენ. შეხვედრა სტუდენტებთან პროექტის - „იმოგზაურე მერიოტთან ერთად“ ფარგლებში გაიმართა.
სასტუმრო „შერატონის" გენერალურმა მენეჯერმა, აპოსტოლოს პაპატოლიოსმა ბსუ-ს სტუდენტებს აჭარაში სასტუმრო ბიზნესის სამომავლო პერსპექტივებზე, სასტუმროში დასაქმების შესაძლებლობებზე და მოთხოვნებზე ესაუბრა.

ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტს „Erasmus+“-ის პერსონალის გაცვლის პროგრამის ფარგლებში, ვილნიუსის სამართლისა და ბიზნესის საერთაშორისო უნივერსიტეტის პროფესორი ლიუდვიკა კაზლაუსკაიტე ეწვია. სტუმარმა სტუდენტებისთვის საჯარო ლექცია წაიკითხა თემაზე: „კულტურული განსხვავებები ტურიზმის ბიზნესში’’. შეხვედრის დასასრულს, პროფესორმა ლიუდვიკა კაზლაუსკაიტემ ახალგაზრდებს ლიტვის ისტორიასთან ერთად, კულტურა გააცნო და შეკითხვებს უპასუხა.

ბათუმის შოთა რუსთაველის სახელმწიფო უნივერსიტეტში, 25-29 სექტემბერს Erasmus+CGHE-ის პროექტის „უმაღლესი განათლების ინტერდისციპლინური რეფორმა ტურიზმის მენეჯმენტის და გამოყენებითი გეოინფორმაციის სასწავლო პროგრამაში“ ფარგლებში, სამუშაო შეხვედრა გაიმართა სწავლების ხარისხის გაუმჯობესების საკითხზე. ვალენსიის პოლიტექნიკური უნივერსიტეტის, ბოლონიის უნივერსიტეტისა და ილიას სახელმწიფო უნივერსიტეტის წარმომადგენლებმა პროექტის მონაწილეებს სწავლების ხარისხის სრულყოფის გამოცდილება გაუზიარეს.
პროექტი მიზნად ისახავს: კავკასიაში, უმაღლესი განათლების ინტერდისციპლინური რეფორმას ტურიზმის მენეჯმენტის და გამოყენებითი გეოინფორმაციის სასწავლო პროგრამაში, რომლის ფარგლებში შემუშავდება ახალი სასწავლო კურსები, მოდულები და ფაკულტეტი აღიჭურვება პროექტის განხორციელებისათვის აუცილებელი მატერიალურ-ტექნიკური ბაზით.

დღეს, ბათუმის შოთა რუსთაველის სახელმწიფო უნივერსიტეტს საფრანგეთის საელჩოს ატაშე საუნივერსიტეტო და სამეცნიერო საკითხებში ტერი ბურტე და მონპელიეს უნივერსიტეტის ტურიზმის ფაკულტეტის ხელმძღვანელი ჰერვე შაპერტი ეწვივნენ. სტუმრებმა შეხვედრები ბსუ-ს რექტორთან მერაბ ხალვაშთან და ტურიზმის ფაკულტეტის წარმომადგენლებთან გამართეს.