ბათუმის შოთა რუსთაველის სახელობის სახელმწიფო უნივერსიტეტის პროფესორები და სტუდენტები მონაწილეობას ღებულობენ სასტუმრო „შერატონში“ გამართულ ანესთეზიოლოგიისა და ინტენსიური თერაპიის მესამე საერთაშორისო კონფერენციაში - „ჯეოანესთეზია-2018“. სამი დღის განმავლობაში 20 ქვეყნის წარმომადგენელი 50-მდე მოხსენებას წარმოადგენს ანესთეზიოლოგიის, ინტენსიური თერაპიის, ტოქსიკოლოგიის, გადაუდებელი მდგომარეობისა და კრიტიკული მედიცინის აქტუალურ საკითხებზე. საერთაშორისო სამეცნიერო კონფერენცია “ანესთეზიოლოგ - რეანიმატოლოგთა კავშირის” ორგანიზებითა და ბათუმის შოთა რუსთაველის სახელმწიფო უნივერსიტეტის, საქართველოს ანესთეზიოლოგიის და რეანიმატოლოგიის სკოლის, თბილისის სახელმწიფო სამედიცინო უნივერსიტეტის თანაორგანიზებით იმართება.

ჩრდილოეთ კაროლინის უნივერსიტეტის პროფესორმა ნიკოლოზ მესხიძემ ბათუმის შოთა რუსთაველის სახელმწიფო უნივერსიტეტში საჯარო ლექციების ციკლი წაიკითხა თემაზე: „კლიმატის ცვლილებების მეცნიერული საფუძვლები: მოდელების და სატელიტური მონაცემების გამოყენება სამხრეთ კავკასიის შავი ზღვის აუზის რეგიონში“. სამი დღის განმავლობაში მომხსენებელმა სტუდენტებსა და პროფესორ-მასწავლებლებსა ისეთი აქტუალური საკითხები გააცნო, როგორიცაა: გლობალური კლიმატის ცვლილება (მისი მიზეზებისა და შედეგების თანამედროვე გაგება); თანამედროვე რეგიონალური და გლობალური მოდელები (ზოგადი მომოხილვა); რეგიონალური მოდელი Reg-CM; სატელიტური მონაცემები ატმოსფეროს შემადგენელ გაზებზე, აეროზოლებზე, ღრუბლებზე, ნალექიანობაზე, ზღვებისა და ოკეანეების ტემპერატურაზე, ფიტოპლანკტონების სიუხვეზე და მათი უფასოდ მოპოვების და დამუშავების შესაძლებლობები; G

ბათუმის შოთა რუსთაველის სახელმწიფო უნივერსიტეტი ივანე ჯავახიშვილის სახელობის თბილისის სახელმწიფო უნივერსიტეტის 100 წლის იუბილისადმი მიძღვნილ სტუდენტთა და მეცნიერთა კონფერენციას მასპინძლობს. ორი დღის განმავლობაში სტუდენტები და პროფესორ-მასწავლებლები სამეცნიერო მოხსენებებს წარმოადგენენ მედიცინის აქტუალურ საკითხებზე. კონფერენციის მონაწილეები ისეთ მნიშვნელოვან თემებზე იმუშავებენ, როგორიცაა: სიცოცხლის ხარისხი და კლინიკური გამოსავალი ავადმყოფებში მწვავე კორონარული სინდრომით ანტიაგრეგანტებით მკურნალობის ფონზე; პირველადი დახმარების ცოდნის მნიშვნელობა სამოქალაქო პირებში; ჰეპატოციტების პოლიპლოიდიზაციის სასიგნალო გზების შესწავლა ქოლესტაზური ღვიძლის მოდელზე; ღვიძლის დამხმარე ბიოლოგიური სისტემები; ცოცხალი დონორის შერჩევის სპეციფიკა ღვიძლის წილობრივი ტრანსპლანტაციისას.

გარემოს დაცვის საერთაშორისო დღეს მიეძღვნა ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარატმენტის ორგანიზებით გამართული ვორკშოპი თემაზე: „გარემოს დაცვა - გლობალური პრობლემა“. სტუდენტებმა, პროფესორ-მასწავლებლებმა და სხვადასხვა ორგანიზაციის წარმომადგენლებმა გარემოს დაცვის აქტუალურ საკითხებსა და ქვეყანაში არსებულ მდგომარეობაზე იმსჯელეს. ვორკშოპზე წარმოდგენილი იყო მოხსენებები: „მწვანე ენერგია და საქართველო“, „ნაგავსაყრელები და მათი მართვა“, „გარემოსდაცვითი პოლიტიკა, კლიმატის ცვლილებები და მისი შენარჩუნების გზები“, „ადამიანის საქმიანობის გავლენა გარემოზე“ და „ნარჩენების გავლენა გარემოზე“.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ბიოლოგიის და ეკოლოგიის სპეციალობის I კურსის სტუდენტებმა წმინდა მატათა მოციქულის სახელობის გიმნაზია-პანსიონის აღსაზრდელებს ბავშვთა დაცვის საერთაშორისო დღე მიულოცეს და საჩუქრად სათამაშოებთან ერთად ტკბილეულობა მიუტანეს. შეხვედრის დასასრულს, სტუდენტებმა და გიმნაზია-პანსიონის აღსაზრდელებმა ერთობლივი კონცერტი გამართეს.