ანონსები

5 დეკემბერს, 18:00 საათზე, სააქტო დარბაზში ბათუმის შოთა რუსთაველის სახელმწიფო უნივერსიტეტის სტუდენტური თეატრის „დასის“ სპექტაკლის „ნაფტალინის“ პრემიერა გაიმართება. სპექტაკლი ლაშა ბუღაძის პიერის მიხედვით როინ დვალმა დადგა და მასში სხვადასხვა სპეციალობის სტუდენტები მონაწილეობენ.

2 დეკემბერს, 13:00 საათზე, ბათუმის შოთა რუსთაველის სახელმწიფო უნივერსიტეტი საგანმანათლებლო-სახელოვნებო პროექტის ,,სტურუას შექსპირის სამყარო“ ფარგლებში რეჟისორ რობერტ სტურუას მასპინძლობს.

25 ნოემბერს, 13:00 საათზე „შოთა რუსთაველის დარბაზში“ (№ 55) გაიმართება “ERASMUS MUNDUS”-ის გაცვლითი პროგრამების პრეზენტაცია.

პროფესორი, სანკტ-პეტერბურგში მოღვაწე ყბა-სახის ქირურგი, იმპლანტოლოგი გიორგი პატარაია 2014 წლის 22 ნოემბერს, 12:00 საათზე, ბათუმის შოთა რუსთაველის სახელმწიფო უნივერსიტეტში (238-ე აუდიტორია) სტომატოლოგიის დეპარტამენტის პროფესორ-მასწავლებლებისათვის, სტუდენტებისა და ექიმებისათვის ჩაატარებს საჯარო ლექციას იმპლანტოლოგიის აქტუალურ საკითხებზე.

28 ნოემბერს, 13:00 საათზე, ბათუმის შოთა რუსთაველი სახელმწიფო უნივერსიტეტში, 55-ე აუდიტორიაში განათლების საერთაშორისო ცენტრის პროგრამების კოორდინატორი თინათინ გახოკიძე სტუდენტებსა და პროფესორ-მასწავლებლებს გააცნობს პრემიერ-მინისტრის ინიციატივების ფარგლებში გამოცხადებულ კონკურსს შემდეგ პროგრამებზე: საერთაშორისო სამაგისტრო და სადოქტორო პროგრამა და საჯარო დაწესებულებაში დასაქმებულ პირთა კვალიფიკაციის ამაღლებისა და გადამზადების პროგრამა.