ანონსები

1 ნოემბერს, 12:00 საათზე, ბათუმის შოთა რუსთაველის სახელმწიფო უნივერსიტეტში (55 აუდიტორია) ჟან მონეს ახალი პროექტის „ევროკავშირში გაწევრიანების პოლიტიკური კრიტერიუმები და საქართველოს, მოლდოვის და უკრაინის ევროპეიზაცია" პრეზენტაცია გაიმართება. ჟან მონეს ახალი სასწავლო მოდული ბათუმის შოთა რუსთაველის სახელმწიფო უნივერსიტეტმა 2023 წელს მოიპოვა ევროკავშირისგან და მომდევნო 3 წლის განმავლობაში განხორციელდება იურიდიული და სოციალურ მეცნიერებათა ფაკულტეტზე. ღონისძიებას დაესწრებიან სტუდენტები, უნივერსიტეტის რექტორი, ადმინისტრაციის წარმომადგენლები და მოწვეული სტუმრები. შეხვედრაზე პროექტის ხელმძღვანელი, ჟან მონეს პროფესორი მალხაზ ნაკაშიძე ისაუბრებს პროექტის მიზნების, დაგეგმილი აქტოვობების და სამომავლო გეგმების შესახებ.

28 ოქტომბერს, 18:00 საათზე, ბათუმის შოთა რუსთაველის სახელმწიფო უნივერსიტეტში გაიმართება შეხვედრა ლევან გიგინეიშვილთან. თემა: „ჭეშმარიტება და თავისუფლება: ძველი და ახალი გააზრებები" შეხვედრაზე დასწრება თავისუფალია. შეხვედრის ადგილი - ბათუმის შოთა რუსთაველის სახელობის სახელმწიფო უნივერსიტეტი I კორპუსი, II სართული, სააქტო დარბაზი.

სტუდენტთა კარიერული განვითარების, კულტურისა და სპორტის დეპარტამენტი აცხადებს სტუდენტთა მიღებას შემდეგ შემოქმედებით ჯგუფებში

ბსუ-ს სტრატეგიული განვითარებისა და საგარეო ურთიერთობათა დეპარტამენტი 16 ოქტომბერს, 13.00 სთ-ზე, სააქტო დარბაზში გამართავს საინფორმაციო შეხვედრას ევროპის უნივერსიტეტებში გაცვლითი პროგრამების (Erasmus+, აჭარის ა/რ განათლების სამინისტროს პროგრამები) შესახებ.დასწრება თავისუფალია.

2023 წლის 25-27 სეტემბერს ბათუმის შოთა რუსთაველის სახელმწიფო უნივერსიტეტში, 32-ე აუდიტორიაში გაიმართება ევროკავშირის „ერაზმუს+“-ის პროექტის DITECH-ის საერთაშორისო სამეცნიერო-პრაქტიკული კონფერენცია „ციფრული ტექნოლოგიები განათლებაში“ და DITECH-ის კონსორციუმის შეხვედრა. კონფერენცია სამეცნიერო-პრაქტიკული ხასიათისაა და ეხება ციფრული ტექნოლოგიების სწავლების, დანერგვისა და მდგრადი განვითარების პერსპექტივებს უმაღლეს საგანმანათლებლო დაწესებულებებსა და ზოგად საგანმანათლებლო სისტემაში.