ანონსები

26 აპრილს, 13:00 საათზე, ბათუმის შოთა რუსთაველის სახელმწიფო უნივერსიტეტში, 32 აუდიტორიაში სტუდენტებისათვის გაიმართება მხატვრული თარგმანის კონკურსის საინფორმაციო შეხვედრა. კონკურსი გამოცხადებულია ელისაბედ ორბელიანის სახელობის ჯილდოს მოსაპოვებლად საუკეთესო ქართული სტუდენტური თარგმანისათვის. ბათუმის შოთა რუსთაველის სახელმწიფო უნივერსიტეტის სტუდენტთა კარიერული განვითარების, კულტურისა და სპორტის დეპარტამენტი და ჰუმანიტარულ მეცნიერებათა ფაკულტეტის თარგმანისა და ინტერდისციპლინური კვლევების ცენტრი იღებს განაცხადებს მხატვრული თარგმანის კონკურსში მონაწილეობისთვის.

22 აპრილს, 12:00-დან 16:00-საათამდე გაიმართება განათლების საერთაშორისო ონლაინ გამოფენა. საზღვარგარეთ სწავლით დაინტერესებული სტუდენტები გამოფენაზე გაეცნობიან ინფორმაციას გაცვლითი პროგრამის, სტიპენდიების, გრანტების, საზაფხულო სკოლების, მოკლევადიანი კურსებისა და სხვადასხვა სასწავლო პროგრამის შესახებ. გამოფენაში მონაწილეობას მიიღებენ მსოფლიოს სხვადასხვა ქვეყნის სასწავლებლები. ღონისძიების მონაწილეებს საშუალება ექნებათ პირისპირ გაესაუბრონ უმაღლესი სასწავლებლებისა წარმომადგენლებს და მიიღონ ამომწურავი ინფორმაცია მათთვის საინტერესო ყველა კითხვაზე.

12 აპრილს, ბათუმის შოთა რუსთაველის სახელმწიფო უნივერსიტეტში ქართული ენის კვირეული გაიხსნება.

4 აპრილს, 13:00 საათზე, ბათუმის შოთა რუსთაველის სახელმწიფო უნივერსიტეტში (სააქტო დარბაზი) გაიმართება გაცვლითი პროგრამების წარდგენა. ბსუ-ს სტრატეგიული განვითარებისა და საგარეო ურთიერთობათა დეპარტამენტის წარმომადგენლები საბაკალავრო, სამაგისტრო და სადოქტორო პროგრამების სტუდენტებს გააცნობენ 2023-2024 სასწავლო წლისთვის გამოცხადებულ სხვადასხვა გაცვლით პროგრამას, რომელიც ითვალისწინებს 1 სემესტრის (შემოდგომის/გაზაფხულის) განმავლობაში ევროპის უნივერსიტეტებში სწავლას.

ბსუ-ს სტუდენტთა კარიერული განვითარების, კულტურისა და სპორტის დეპარტამენტი იწყებს პროექტს „ბსუ-ს სტუდენტური დღეები 2023’’, რომლის ფარგლებში ბსუ-ს სტუდენტები, ფაკულტეტების მიხედვით ეჯიბრებიან ერთმანეთს სპორტული, კულტურული და ინტელექტუალური აქტივობების სხვადასხვა სახეობაში. სტუდენტი/სტუდენტური გუნდი შეჯიბრში მონაწილეობს ფაკულტეტის სახელით და უნდა იყოს აუცილებლად იმავე ფაკულტეტის სტუდენტი, რომელსაც წარმოადგენს შეჯიბრში. გამარჯვებული სტუდენტები დაჯილდოვდებიან თასებით, ფასიანი პრიზებით და შემეცნებითი საექსკურსიო ტურებით. ყველაზე მეტ სახეობაში გამარჯვებულ ფაკულტეტს კი გადაეცემა „ბსუ-ს სტუდენტური დღეები 2023’’-ის გრან-პრი.