აჭარის ა.რ. განათლების, კულტურისა და სპორტის სამინისტროს „პროფესიული და უმაღლესი განათლება" პროგრამის „უმაღლესი განათლების ხელშეწყობა" ქვეპროგრამის ფარგლებში გამოცხადდა უცხოენოვანი სამეცნიერო/სახელმძღვანელო ლიტერატურის თარგმნა/ბეჭდვის საგრანტო კონკურსი. საგრანტო კონკურსში მონაწილეობის მიღების უფლება აქვთ საქართველოში რეგისტრირებულ საჯარო სამართლის იურიდიულ და საქართველოში რეგისტრირებულ არასამეწარმეო (არაკომერციულ) იურიდიულ პირებს. საგრანტო კონკურსის მიზანია, სტუდენტებისთვის, მკვლევრებისა და დაინტერესებული საზოგადოებისთვის გაზარდოს უახლეს სამეცნიერო ლიტერატურაზე ხელმისაწვდომობა.
ბათუმის შოთა რუსთაველის სახელმწიფო უნივერსიტეტში გამოცხადდა კონკურსი 2022-2023 სასწავლო წლის გაზაფხულის სემესტრისათვის „ელთ ბილდინგის’’ სტიპენდიის მოსაპოვებლად. კონკურსში მონაწილეობა შეუძლიათ ბსუ-ს ტურიზმის, კომპიუტერული მეცნიერებებისა და არქიტექტურის საბაკალავრო საგანმანათლებლო პროგრამების III-IV სასწავლო წლის აქტიური სტატუსის მქონე წარმატებულ სტუდენტებს. კონკურსში მონაწილეობის მსურველებმა დოკუმენტები წარმოადგინეთ 2023 წლის 22 თებერვლიდან 27 თებერვლის ჩათვლით, ბსუ-ს პორტალის საშუალებით (წერილი კანცელარიას, რექტორის სახელზე). დეტალური ინფორმაცია კონკურსის შესახებ იხილეთ დანართებში.
