საქართველოს პრეზიდენტი მიხეილ სააკაშვილი შოთა რუსთაველის დარბაზში უმაღლესი სასწავლებლის აკადემიურ პერსონალსა და საჯარო სკოლების მასწავლებლებს შეხვდა. ქვეყნის პირველმა პირმა შეხვერაზე ზოგადსაგანმანათლებლო სფეროში მიმდინარე რეფორმების შედეგებზე ისაუბრა და წარჩინებულ მასწავლებლებს პრეზიდენტის სახელობის სტიპენდიები გადასცა.
საქართველოს პარლამენტის ევროპასთან ინტეგრაციის კომიტეტის თავმჯდომარე დავით დარჩიაშვილი შოთა რუსთაველის სახელმწიფო უნივერსიტეტის პროფესორ-მასწავლებლებსა და სტუდენტებს შეხვდა და ”საქართველო-ევროკავშირის ურთიერთობების აქტუალურ საკითხებზე” ესაუბრა.
რსუ ჰუმანიტარულ მეცნიერებათა ფაკულტეტზე საზეიმოდ გაიხსნა აკადემიკოს დავით ხახუტაიშვილის სახელობის კაბინეტი. ცნობილი ქართველი მეცნიერის, საქართველოს მეცნიერებათა აკადემიის ბათუმის ნიკო ბერძენიშვილის სახელობის სამეცნიერო-კვლევითი ინსტიტუტის დირექტორის, მეცნიერებათა აკადემიის წევრ-კორესპონდენტის, ისტორიის მეცნიერებათა დოქტორის, პროფესორ დავით ხახუტაიშვილის დაბადებიდან 85 წლისთავი განათლების, კულტურისა და სპორტის სამინისტროს, შოთა რუსთაველის სახელმწიფო უნივერსიტეტის, ნიკო ბერძენიშვლის ინსტიტუტისა და ბათუმის არქეოლოგიური მუზეუმის ერთობლივი ღონისძიებებით აღინიშნა.
უნივერსიტეტის რექტორმა და ფაკულტეტის დეკანებმა “ღია კარის დღეების” ფარგლებში უნივერსიტეტის საგამოცდო ცენტრის მიერ, დასავლეთ საქართველოს სხვადასხვა რაიონის ზოგადსაგანმანათლებლო სკოლებიდან მეთორმეტე კლასელებს შორის საიმიტაციო გამოცდებში გამარჯვებული აბიტურიენტები საჩუქრებით დააჯილდოვეს.
