ახალი ამბები

თურქეთის გენერალური კონსული ბათუმში, პრეს-ატაშე, და თურქი ბიზნესმენები უნივერსიტეტის ხელმძღვანელობას, პროფესორ-მასწავლებლებსა და თურქ სტუდენტებს შეხვდნენ. შეხვედრა მიზნობრივი პროგრამების შემუშავებას, ერთობლივი სამაგისტრო პროგრამების შესრულებას, დამსაქმებელთა მოსაზრებებისა და წინადადებების განხილვას, გამოყენებითი ხასიათის სამეცნიერო-კვლევითი სამუშაოების განხორციელებას, მეცნიერების კომერციალიზაციასა და სტუდენტთა დასაქმებას ისახავდა მიზნად.

რსუ აკადემიურმა საბჭომ ქალაქ ტრაპიზონის მერს ცნობილ თურქ საზოგადო და პოლიტიკურ მოღვაწეს, მეჰმეთ ვოლკან ჯანალიოღლუს უნივერსიტეტის საპატიო დოქტორის წოდება მიანიჭა. უნივერსიტეტის რიგით მეთოთხმეტე საპატიო დოქტორი, შავი ზღვის ტექნიკური უნივერსიტეტის ასოციაციის დამაარსებელი, ”სულეიმანის ფონდის” დამფუძნებელი და ტურიზმის განვითარების ასოციაციის პრეზიდენტია. მეჰმეთ ჯინალიოღლუს მიღებული აქვს 2000 წლის საუკეთესო მმართველის და წარმატებული პიროვნების სიგელი.

შვეიცარიის ეროვნული სამეცნიერო ფონდი შვეიცარიის თანამშრომლობისა და განვითარების სააგენტოსთან ერთად იწყებს “აღმოსავლეთ ევროპასა და შევიცარიას შორის თანაშმრომლობის პროგრამის” (SCOPES 2009-2012) ახალი ფაზის განხორციელებას, რომლის ფარგელბში 2008 წლის 15 დეკემბერს გამოცხადდა საგრანტო კონკურსი. კონკურსში მონაწილეობა შეუძლია ქართველ მეცნიერებს და სამეცნიერო დაწესებულებებს. საპროექტო განაცხადების წარდგენის ბოლო ვადაა 2009 წლის 15 აპრილი.

1-5 ივლისს შავი ზღვის საერთაშორისო უნივერსიტეტთან თანამშრომლობისა და საქართველოს ეკონომიკური განვითარების სამინისტროსთან პარტნიორობის საფუძველზე, თბილისში ჩატარდება მენეჯმენტის განვითარების საერთაშორისო ასოციაციის რიგით მე-18 ყოველწლიური კონგრესი. ბიზნესის ყოველწლიური კონგრესის თანათავმჯდომარე ქალბატონი გიული ალასანია შოთა რუსთაველის სახელმწიფო უნივერსიტეტის შესაბამისი ფაკულტეტების წევრებს სთავაზობს კონგრესის მუშაობაში მონაწილეობის მიღებას.

ა.წ. 17 თებერვალს შოთა რუსთაველის სახელმწიფო უნივერსიტეტში ჩატარდება დამამთავრებელი კლასის მოსწავლეთა ტესტირება – კონკურსი ზოგად უნარებში, ქართულ ენასა და ლიტერატურაში, მათემატიკაში. ტესტები შედგენილია უნივერსიტეტის სტუდენტებისა და მოსამზადებელი ცენტრის თანამშრომელთა მიერ. რაიონიდან ჩამოსულ მოსწავლეებისათვის ტესტირება–კონკურსი ჩატარდება 12 საათზე, ხოლო ბათუმის მოსწავლეთათვის 14 სთ–ზე. სასურველია ტესტირებაში მონაწილეებმა თან იქონიონ პირადობის დამადასტურებელი მოწმობა. გამარჯვებულთა დაჯილდოება მოხდება 20 თებერვალს, 16 საათზე უნივერსიტეტის სააქტო დარბაზში.