უნივერსიტეტში ბრიტანეთის საბჭოს, საქართველოს ეროვნული მუზეუმისა და ილიას სახელმწიფო უნივერსიტეტის ერთობლივი პროექტის ფარგლებში დარვინის დღე აღინიშნა. გაიმართა ცნობილი მეცნიერის დაბადებიდან 200 წლისა და ნაშრომის „სახეობათა წარმოშობის” გამოქვეყნებიდან 150 წლის იუბილესადმი მიძღვნილი გამოფენა და საჯარო ლექცია თემაზე: ,,სახეობათა წარმოშობა“
საერთაშორისო კონფერენცია ,,ანთროპოლოგიური კვლევები და განათლება: ტრადიცია და პერსპექტივები“ შოთა რუსთაველის სახელმწიფო უნივერსიტეტის 75 წლისთავს მიეძღვნა. ორდღიანი კონფერენცია მიზნად ისახავს ქართული სამეცნიერო წრეების საერთაშორისო სივრცესთან ინტეგრაციასა და ანთროპოლოგიური კვლევების სფეროში არსებული ინფორმაციის გაცვლას. ანთროპოლოგიის განვითარების პერსპექტივები ქართველებთან ერთად გერმანელმა, იტალიელმა, ჰოლანდიელმა, პორტუგალიელმა და სომეხმა მეცნიერებმა განიხილეს.
საბუნებისმეტყველო მეცნიერებათა ფაკულტეტის სტუდენტებმა დედამიწის საერთაშორისო დღე რამდენიმე ღონისძიებით აღნიშნეს. მომავალმა ბიოლოგებმა ბათუმის ბულვარში წიწვოვანი მცენარეები დარგეს და გარემოს დაცვასა და ეკოლოგიურ საფრთხეებს ვორქ-შოფი სახელწოდებთ ,,დედამიწა - ჩვენი პლანეტა“ მიუძღვნეს. საქართველოში დედამიწის საერთაშორისო დღე 1991 წლიდან აღინიშნება.
უნივერსიტეტის პროფესორ-მასწავლებლებმა და სტუდენტებმა 1989 წლის 19 აპრილს მაღალმთიან აჭარაში დატრიალებული ტრაგედია გაიხსენეს, პატივი მიაგეს სტიქიის შედეგად დაღუპულთა ხსოვნას და მემორიალი ყვავილებით შეამკეს.
შოთა რუსთაველის სახელმწიფო უნივესიტეტმა დაიწყო ერთიანი ეროვნული გამოცდებისათვის მოსამზადებელი უფასო მოკლევადიანი პროგრამების განხორციელება. აბიტურიენტებს ორი თვის განმავლობაში უნივერსიტეტის პროფესორ-მასწავლებლები კონსულტაციებს გაუწევენ ყველა ძირითად და არჩევით დისციპლინაში.
