ბათუმის შოთა რუსთაველის სახელმწიფო უნივერსიტეტის მოსამზადებელი ცენტრი აცხადებს აბიტურიენტების მიღებას ერთიანი ეროვნული გამოცდებისთვის მოსამზადებლად!
რეგისტრაცია იწარმოებს 10 სექტემბრიდან 5 ოქტომბრის ჩათვლით 11:00-დან 16:00 საათამდე. (შაბათ-კვირის გარდა)
მისამართი: ქ. ბათუმი, ნინოშვილის #35
III კორპუსი, ოთახი 411
ტელ: 577 45 60 61; 577 14 10 90;
საქართველოს მათემატიკოსთა კავშირის IX საერთაშორისო კონფერენცია ტარდება ბათუმის შოთა რუსთაველის სახელმწიფო უნივერსიტეტში. ოთხდღიანი სამეცნიერო ფორუმი მიზნად ისახავს მათემატიკის უახლესი სამეცნიერო მოღწევებისა და ბოლო ერთი წლის განმავლობაში წარმოებული კვლევის შედეგების წარდგენას. 17 ქვეყნის 200-მდე მეცნიერი მოხსენებებს წარმოადგენს მათემატიკის აქტიურად განვითარებადი დარგების პრობლემატიკაზე. კონფერენცია ბათუმის შოთა რუსთაველის სახელმწიფო უნივერსიტეტის, საქართველოს მათემატიკოსთა კავშირის, ივანე ჯავახიშვილის თბილისის სახელმწიფო უნივერსიტეტისა და საქართველოს უნივერსიტეტის ორგანიზებით იმართება.
ბათუმის შოთა რუსთაველის სახელმწიფო უნივერსიტეტმა „ ბათუმობა 2018“ -ის დღესასწაულში მიიღო მონაწილეობა. უნივერსიტეტი ბათუმელებისა და ტურისტების წინაშე ბსუ-ს ფაბლაბში დამზადებული, ტექნოლოგიური ფაკულტეტის სტუდენტების მიერ შექმნილი ნამუშევრებით წარსდგა. დამთვალიერებელთა განსაკუთრებული მოწონება ბათუმის ღირსშესანიშნაობების მაკეტებმა დაიმსახურა. ვიზიტორებს გამოფენაზე საინფორმაციო ბროშურები და ლაბორატორიაში დამზადებული სამახსოვრო საჩუქრები გადაეცათ.
სახალხო დღესასწაულის „ბათუმობის“ ეგიდით, ბათუმის შოთა რუსთაველის სახელმწიფო უნივერსიტეტში IX საერთაშორისო სამეცნიერო კონფერენცია „ბათუმი - წარსული და თანამედროვეობა“ გაიხსნა. ორი დღის განმავლობაში 50-მდე ქართველი და უცხოელი მეცნიერი სამეცნიერო მოხსენებებს წარმოადგენს ქალაქის ისტორიის, თანამედროვეობის, არქეოლოგიის, განათლების, ლიტერატურის, ეთნოგრაფიის, ტურიზმისა და ურბანული განვითარების საკითხებზე. ღონისძიების ფარგლებში საქართველოს მეცნიერებათა ეროვნული აკადემიის წევრ-კორესპოდენტის, პროფესორ გურამ ლორთქიფანძის 80 წლისადმი მიძღვნილი საიუბილეო სხდომა გაიმართება.
საქართველოს მეცნიერებათა ეროვნული აკადემიის ვიცე-პრეზიდენტმა, აკადემიკოსმა როინ მეტრეველმა ბსუ-ს ჰუმანიტარულ მეცნიერებათა ფაკულტეტის პროფესორებს საქართველოს ისტორიის, ფილოლოგიის, არქეოლოგიის და ეთნოლოგიის დარგში გამოცემული საუკეთესო მონოგრაფიისათვის „კლარჯეთი“ მინიჭებული ივანე ჯავახიშვილის სახელობის აკადემიური პრემია გადასცა. მამია ფაღავამ (პროექტის სამეცნიერო ხელმძღვანელი და რედაქტორი), მალხაზ ჩოხარაძემ (პროექტის კოორდინატორი), †ემერიტუს-პროფესორმა მერი ცინცაძემ, თინა შიოშვილმა, შოთა მამულაძემ, რამაზ ხალვაშმა, ნუგზარ მგელაძემ; ასოცირებულმა პროფესორებმა: ზაზა შაშიკაძემ, მაია ბარამიძემ, ჯემალ კარალიძემ მონოგრაფია შოთა რუსთაველის ეროვნული სამეცნიერო ფონდის სამეცნიერო პროექტის „კლარჯეთი“ ფარგლებში გამოსცა.
