აზერბაიჯანის რესპუბლიკის მეცნიერებათა ეროვნული აკადემიის არქეოლოგიისა და ეთნოგრაფიის ინსტიტუტისა და აზერბაიჯანის ისტორიის ეროვნული მუზეუმის წარმომადგენლები ბსუ-ს რექტორს მერაბ ხალვაშს და რექტორის მოადგილეს თამარ სირაძეს შეხვდნენ. სტუმრები პროგრამის „Horizon 2020“-ის პროექტის ფარგლებში ერთი თვის განმავლობაში მუშაობდნენ ბსუ-ს ბიბლიოთეკაში, გაეცნენ ლიტერატურას, გაცვალეს სამეცნიერო შრომები, ასევე მოინახულეს ქალაქის კულტურული მემკვიდრეობის ძეგლები და შთაბეჭდილებები და სამომავლო თანამშრომლობის პერსპექტივები გაუზიარეს უნივერსიტეტის რექტორს. ვ

2021 წლის 18-19 ივნისს ონლაინ ფორმატში ჩატარდება ახალგაზრდა მეცნიერთა პირველი რესპუბლიკური სემინარი - კონფლიქტი და ლიტერატურა. ქართული და მსოფლიო მწერლობის გამოცდილება. თბილისის ივანე ჯავახიშვილის სახელობის სახელმწიფო უნივერსიტეტის ზოგადი და შედარებითი ლიტერატურათმცოდნეობის სასწავლო-სამეცნიერო ინსტიტუტის ორგანიზებული სემინარი 2021 წლიდან მიიღებს რეგულარულ ხასიათს, ჩატარდება ყოველ ორ წელიწადში, იქნება თემატური და მიეძღვნება თანამედროვე ლიტერატურათმცოდნეობით გამოწვევებს.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტი, ქართული ფილოლოგიის დეპარტამენტი მწუხარებით იუწყება, რომ გარდაიცვალა ფილოლოგიის მეცნიერებათა კანდიდატი, ქართული ლიტერატურის კათედრის ყოფილი დოცენტი მიხეილ ფარტენაძე და სამძიმარს უცხადებს განსვენებულის ოჯახს.

თსუ-ს სოციალურ და პოლიტიკურ მეცნიერებათა ფაკულტეტი აცხადებს აბსტრაქტების მიღებას სტუდენტთა მე-80 საუნივერსიტეტო სამეცნიერო კოფერენციისთვის. სამეცნიერო სესიაში მონაწილეობა შეუძლია უმაღლესი საგანმანათლებლო დაწესებულებების სწავლების სამივე საფეხურის (ბაკალავრიატი, მაგისტრატურა და დოქტორანტურა) სტუდენტს. კონფერენციაზე იმუშავებს თემატური სექციები, მონაწილეებს გადაეცემათ სერტიფიკატები. სექციებიდან შეირჩევიან გამარჯვებული მომხსენებლები.

CODFREURCOR-ის (ცენტრალური და აღმოსავლეთ ევროპის ფრანკოფონიური ჰუმანიტარულ მეცნიერებათა სადოქტორო კოლეგია) მე-8 საერთაშორისო კონფერენცია „ეროვნული ლიტერატურა თარგმანში“ გაიმართება ბათუმის შოთა რუსთაველის სახელმწიფო უნივერსიტეტში.