ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს ემერიტუს-პროფესორის, ავთანდილ ქემხაძის გარდაცვალების გამო. პედაგოგიურ მეცნიერებათა დოქტორმა ავთანდილ ქემხაძემ მნიშვნელოვანი წვლილი შეიტანა ბსუ-ში ფიზიკური აღზრდისა და სპორტის მიმართულების განვითარებასა და მაღალკვალიფიციური კადრების მომზადებაში. პროფესორი ავთანდილ ქემხაძე 2008-2010 წლებში იყო განათლების ფაკულტეტის დეკანი, გახლდათ მნიშვნელოვანი სამეცნიერო პუბლიკაციების ავტორი, ასევე სამაგისტრო და სადისერტაციო ნაშრომების ხელმძღვანელი.

ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს ემერიტუს-პროფესორის - გული შერვაშიძის - გარდაცვალების გამო. პროფესორი გული შერვაშიძე ნაყოფიერ სამეცნიერო-კვლევით და პედაგოგიურ საქმიანობას ეწეოდა, მნიშვნელოვანი წვლილი შეიტანა ფილოსოფიის, განათლების ფილოსოფიის აქტუალური საკითხების შესწავლაში. იგი 1994-2004 წლებში იყო ბათუმის შოთა რუთაველის სახელმწიფო უნვერსიტეტის პედაგოგიური ფაკულტეტის დეკანი, 2009-2022 წლებში - ბსუ-ს პროფესორი, 2001-2003 და 2013-2022 წლებში - ბსუ-ს აკადემიური საბჭოს წევრი, განათლების ფაკულტეტის სადისერტაციო საბჭოს თავმჯდომარე და პედაგოგიურ მეცნიერებათა დეპარტამენტის ხელმძღვანელი.

ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს ბსუ-ს ემერიტუს-პროფესორის, ცნობილი ქართველი ფიზიკოსის, ფიზიკა-მათემატიკის მეცნიერებათა დოქტორის, ღირსების ორდენის მფლობელის, ჟუჟუნა დიასამიძის გარდაცვალების გამო. ემერიტუს-პროფესორი ჟუჟუნა დიასამიძე ბათუმის შოთა რუსთაველის სახელმწიფო უნივერსიტეტში 1971 წლიდან ეწეოდა აქტიურ პედაგოგიურ და სამეცნიერო საქმიანობას, გამოქვეყნებული აქვს 80-მდე სამეცნიერო ნაშრომი, ჩართული იყო სამეცნიერო საგრანტო პროექტებში.

21 მაისს, 11:00 საათზე, ბათუმის შოთა რუსთაველის სახელმწიფო უნივერსიტეტის ბავშვთა უფლებების ცენტრი გაეროს ბავშვთა ფონდის, UNICEF-ის საგრანტო პრო¬ექტის „ბავშვთა უფლებების ცენტრის ცოდნის ცენტრად დაფუძნება ინკლუზიური და ბავშვთა უფლებებზე ორიენტირებული ცოდნის დამოკიდებულებებისა და პრაქტიკის დასანერგად“ ფარგლებში, ატარებს სტუდენტურ ონლაინ სამეცნიერო კონფერენციას „ბავშვის უფლებები და უსაფრთხო სკოლა“.

გარდაიცვალა ბსუ-ს ზუსტ მეცნიერებათა და განათლების ფაკულტეტის მათემატიკის დეპარტამენტის ემერიტუს-პროფესორი, საქართველოში აბსტრაქტული მათემატიკის ფუძემდებელი იაშა დიასამიძე. იაშა დიასამიძემ მნიშვნელოვანი წვლილი შეიტანა მათემატიკის განვითარებასა და მომავალი თაობების აღზრდაში. იგი იკვლევდა გაერთიანების სრული ნახევარმესერებით განსაზღვრულ ბინარულ მიმართებათა სრულ ნახევარგჯგუფებს. ბათუმის შოთა რუსთაველის სახელმწიფო უნივერსიტეტი ღრმა მწუხარებას გამოთქვამს ემერიტუს-პროფესორ იაშა დიასამიძის გარდაცვალების გამო და თანაუგრძნობს ოჯახს, მეგობრებსა და სამეცნიერო საზოგადოებას.