26-30 აგვისტოს, შვედეთში, ქალაქ სტოკჰოლმში გაიმართა ტრენინგები შვედური ინსტიტუტის მიერ დაფინანსებული პროექტის: “ინტერნაციონალიზაციის ინსტრუმენტების, პრაქტიკისა და პერსონალის კომპეტენციების მოდერნიზება სტუდენტზე ორიენტირებული სწავლების მხარდასაჭერად აღმოსავლეთ პარტნიორობის უნივერსიტეტებში – INTERTOOL“ ფარგლებში. პროექტის კოორდინატორია შვედეთის სამეფო ტექნოლოგიური უნივერსიტეტის (KTH) საერთაშორისო ურთიერთობათა სამსახური და მასში ჩართულია უკრაინის, სომხეთის, მოლდოვასა და საქართველოს 8 უნივერსიტეტი. პროექტის მიზანია პარტნიორი უნივერსიტეტების პერსონალის უნარების განვითარება საერთაშორისო თანამშრომლობის გაძლიერების, საგანმანათლებლო და სამეცნიერო პროცესების ინტერნაციონალიზაციის, საერთაშორისო პროექტების შექმნისა და ეფექტური მართვის საკითხებში.

22-23 აგვისტოს, სტამბულში, ბეიკენტის უნივერსიტეტში გაიმართა საერთაშორისო კონფერენცია თემაზე: “სწავლის შედეგები და სწავლების ხარისხი უმაღლეს განათლებაში.” ღონისძიება უნივერსიტეტის 20 წლის იუბილეს მიეძღვნა და იგი განიხილება, როგორც დასაწყისი კონფერენციათა ციკლისა, რომელიც განკუთვნილია ტექნოლოგიური და გარემოს განვითარების კვალდაკვალ უნივერსიტეტის სტუდენტთა სწავლებაში ახალი მეთოდებისა და ტენდენციების აღმოჩენაზე.

ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის მათემატიკის დეპარტამენტის პროფესორმა იაშა დიასამიძემ სემინარზე წიგნი „ალგებრის ამოცანათა კრებული“ წარადგინა. მოცემული კრებული დაწერილია ბსუ-ში არსებული სილაბუსების მიხედვით და შედგება 21 პარაგრაფისათვის. თითოეულ პარაგრაფში მოცემულია თეორიული მასალა დამტკიცების გარეშე, დაწვრილებით ამოხსნილია ტიპიური მაგალითები, მოცემულია მაგალითები, შესაბამისი პასუხებით. წიგნი განკუთვნილია დამოუკიდებლად მომუშავე სტუდენტებისათვის.

ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის მათემატიკის დეპარტამენტის ასოცირებულმა პროფესორმა დალი მახარაძემ სემინარი ჩაატარა თემაზე: „ინტეგრალური გარდაქმნების წონიანი შემოსაზღვრულობის პირობები გრანდ ლებეგის სივრცეებში ზომადი ფუნქციების მიმართ“. მომხსენებელმა ისეთი აქტუალური საკითხი განიხილა, როგორიცაა, წონიანი შემოსაზღვრულობის კრიტერიუმები ისეთი ინტეგრალური გარდაქმნებისათვის, როგორიცაა ძლიერი მაქსიმალური ფუნქციები და ჯერადი ჰილბერტის გარდაქმნები გრანდ ლებეგის სივრცეებში ზომადი ფუნქციების მიმართ.

ბათუმის შოთა რუსთაველის სახელმწიფო უნივერსიტეტში პროფესორ პაატა კერვალიშვილის საჯარო ლექციათა ციკლი დაიწყო. შეხვედრაზე პროფესორმა თემებზე: „ბირთვული გამოსხივების ბორის იზოტოპების ლეგირებული ნახევარგამტარული სენსორები“ და „ ბიო ნანონაწილაკების ვიბრაციული თვისებების შესწავლა ოპტიკური სპექტომეტრით“ ისაუბრა.