ევროპის საბჭოს ანტიდისკრიმინაციული დეპარტამენტის DG-II-ის პროექტის „დისკრიმინაციის, სიძულვილით მოტივირებული დანაშაულისა და სიძულვილის ენის წინააღმდეგ ბრძოლა საქართველოში“ ხელშეწყობით, კამპანიის „მე ვირჩევ თანასწორობას“ ფარგლებში ჩატარდა ონლაინდისკუსია თემაზე: „მედიის როლი საზოგადოებაში სიძულვილის ენის წინააღმდეგ“. დისკუსია ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის ინიციატივით გაიმართა და მასში მონაწილეობა მიიღეს ბსუ-ს სხვადასხვა საფეხურის სტუდენტებმა, პროფესორ-მასწავლებლებმა, ფსიქოლოგებმა, დემოკრატიის ინსტიტუტის წარმომადგენლებმა, ჟურნალისტებმა, საზოგადოებრივი მაუწყებლობის აჭარის ტელევიზის და რადიოს სოციალური მედიის მენეჯერმა, საზოგადოების წარმომადგენლებმა.

4 მაისს, 14:00 საათზე, Zoom-ის ონლაინ პლატფორმაზე, ბათუმის რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის ორგანიზებით გაიმართება დისკუსია თემაზე: „მედიის როლი საზოგადოებაში სიძულვილის ენის წინააღმდეგ“.

ბსუ-ში ერაზმუს+-ს პროექტის „ინოვაციები კურიკულუმში სოციალური ჩართულობის მხარდასაჭერად“ (CISI) ფარგლებში შეხვედრა გაიმართა. პროექტის კოორდინატორმა, თსუ-ს ასოცირებულმა პროფესორმა თამარ მახარაძემ და პროექტის ფინანსურმა მენეჯერმა თამუნა მანგოშვილმა ბსუ-ს ადმინისტრაციის წარმომადგენლებს, რეგიონის საგანმანათლებლო რესურსცენტრების თანამშრომლებს, ზოგადსაგანმანათლებლო დაწესებულებების დირექტორებს, სპეცმასწავლებლებს პროექტის მიზნები და ამოცანების გააცნეს. პროგრამის მიზანია, ხელი შეუწყოს შშმ პირთა სოციალურ ჩართულობასა და სკოლებში ინკლუზიური განათლების ხარისხის გაუმჯობესებას.

ბათუმის შოთა რუსთაველის სახელმწიფო უნივერსიტეტის წარმომადგენლებმა ნანა მაკარაძემ, ამირან შარაძემ და ნინო მიქელაძემ 24-27 თებერვალს პორტოს პოლიტექნიკურ ინსტიტუტში (IPP) გამართულ, ERASMUS+–ის პროექტის „სწავლების ოპტიმიზაცია და აკადემიური ინკლუზია დისტანციური სწავლებისა და სწავლის გამოყენებით" (Learning Optimization and Academic Inclusion Via Equitative Distance Teaching and Learning - Love Distance) ფარგლებში გამართულ კონსორციუმის პირველ საერთაშორისო შეხვედრაში (Kick-off meeting) მიიღეს მონაწილეობა. შეხვედრაზე პროექტის პარტნიორი დაწესებულებების წარმომადგენლები საქართველოდან, ესპანეთიდან, რუმინეთიდან, ისრაელიდან პროექტის მიზნებს, ამოცანებს, მენეჯმენტს და სხვა აქტუალურ საკითხებს გაეცნენ. ღონისძიების ფარგლებში ასევე გაიმართა დისკუსია პროექტის პარტნიორ უნივერსიტეტებში საპილოტე რეჟიმში დისტანციური სწავლების დასანერგად მიმართულებებისა და კურსების შერჩევის მექანიზმებზე.

17 თებერვალს, ილიას სახელმწიფო უნივერსიტეტში პლაგიატის შესახებ სტუდენტური კონკურსის დასკვნითი ღონისძიება გაიმართა. კონკურსი მიმდინარეობდა პროექტის „აკადემიური კეთილსინდისიერება ხარისხიანი სწავლისა და სწავლებისთვის ქართულ უმაღლეს საგანმანათლებლო დაწესებულებაში (INTEGRITY)“ ფარგლებში. საქართველოს სხვადასხვა უმაღლესი სასწავლებლიდან 140-მა კონკურსანტმა მიიღო მონაწილეობა. 25 ფინალისტის პოსტერებს შორის წარმოდგენილი იყო ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის ფიზიკის სტუდენტის ანა სურმანიძის ნამუშევარი. დასკვნით ღონისძიებაზე გამოვლინდნენ გამარჯვებულები.